![Elman Rüstəmov hökumətin uğurlu siyasətinin bundan sonra da davam edəcəyini bildirib](https://turan.az/resized/750/500/resize/media/2016/main/020500145997.jpg)
Elman Rüstəmov hökumətin uğurlu siyasətinin bundan sonra da davam edəcəyini bildirib
Mərkəzi Bankın sədri Elman Rüstəmovun fevralın 4-də Neftçala rayonunda ictimaiyyət nümayəndələri ilə görüşündə postneft dövrünün başlanmasından danışıb. O, ölkədə indiyədək aparılan uğurlu siyasətdən, yoxsulluğun azaldılmasından, bir milyondan çox iş yerinin açılmasından danışıb.
E.Rüstəmov əhalini inandırmağa çalışıb ki, indiyədək ölkədə aparılan uğurlu siyasət postneft dövründə də uğurlu olacaq.
Xatırladaq ki, son ayda regionlarda manatın devalvasiyası, infilyasiya, işsizliyə etiraz olaraq keçirilən alksiyalardan sonra hökumət üzvləri regionlarda əhalini hökumətin uğurlu siyasaətinə inandırmağa çalışırlar.
Xatırladaq ki, bundan öncə prezidentin köməkçisi Əli Həsənov Qubada, fövqəladə hallar naziri Kəmaləddin Heydərov Goranboyda belə görüşlər keçirib.
E. Rüsrtəmov Neftçaladakı görüşündə bildirib ki, hazırda pul-məzənnə siyasəti ölkə iqtisadiyyatının dayanıqlı inkişafına, iqtisadiyyatın şaxələnməsinə, ixracatın stimullaşmasına yönəldilir.
“Manatın yeni, daha tarazlı və ədalətli məzənnəsi ixracın təşviqi və idxalın əvəzlənməsinə, xüsusən də ölkədə məşğulluğun təxminən 40%-ni təmin edən aqrar sektorun inkişafı üçün xüsusilə geniş imkanlar açır. Həyata keçirilən yeni nəsil struktur islahatları ilə birlikdə əlverişli məzənnə aqrar sektorun istehsal və ixrac potensialının tam üzə çıxmasında mühüm rol oynayacaq”, - o qeyd edib.
Baş bankirin fikrincə, hökumətin və Mərkəzi Bankın başlıca vəzifələrindən biri qiymət və maliyyə sabitliyini qorumaqdır.
“Ölkə prezidentinin birbaşa nəzarəti və tapşırığı ilə inflyasiya, xüsusilə də bəzi işbazlar tərəfindən süni qiymət artımlarına qarşı ciddi mübarizə aparılır. Eyni zamanda əhalinin real gəlirlərinin qorunması üçün aztəminatlı sosial təbəqənin gəlirləri artırılır. Əhalinin sosial müdafiəsinin gücləndirilməsi üzrə son qərarlar maliyyə resurslarının məhdudlaşdığı, dövlət xərclərinə sərt qənaət rejiminin tətbiq olunduğu bir şəraitdə qəbul olunub. Ümumilikdə, büdcə xərclərinin azaldılmasına baxmayaraq, əsas sosial xərclər yerində qalır”, - o bildirib.
E.Rüstəmov hesab edir ki, başlanmış bank islahatları start götürən struktur islahatları ilə birlikdə ümumilikdə ölkə iqtisadiyyatının, o cümlədən regionların yeni keyfiyyətdə inkişaf etməsinə əhəmiyyətli töhfə verəcək.
“Bank islahatları imkan verəcək ki, perspektivdə bank sisteminin resurs bazası güclənsin və iqtisadiyyatı kreditləşdirmək imkanları artsın”, - E.Rüstəmov qeyd edib.--
-
- Cəmiyyət
- 5 Fevral 2016 12:31
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz