Media-İcmal 05.02.16

Ali Məhkəmə hazırda həbsdə olan MTN-in keçmiş şefi Eldar Mahmudovla bağlı şikayətləri geri qaytarır. “Azadlıq” qəzetində dərc edilən yazısında Samir bunu deyir.  “MTN məsələsi gündəmə gələndə də yazdıq ki, məqsəd  şəffaflıq, sahibkarlara azadlıq vermək deyil, sadəcə, kimlərsə oyun qaydalarını pozdular və bunun nəticəsi olaraq yeni kampaniya başladı. Amma hamı da bilir ki, hansısa siyasətçinin həbsi, iş adamının sıradan çıxarılması, haqq alınması MTN-in öz fəaliyyəti deyil, yuxarıların tapşırığı ilə edilib”, -  müəllif yazır.

Bu həbslərdən sonra MTN-in haqsızlıqlarına məruz  qalan 100-lərlə şəxs ədalətin bərpası ümidilə Ali Məhkəməyə müraciət edib.  “Amma Ali Məhkəmənin bu müraciətləri rədd etməsi yazılanları təsdiqləyir ki, bəli, MTN-in tərksilah edilməsi hökumətdaxili toqquşmaların təzahürüdür. Dəyişən təkcə Eldar Mahmudovdur, sistem yerindədir”, - müəllif ədalətsiz hökm verən hakimlərin, istintaq işi aparan, həbslərə yol açan şəxslərin hələ də vəzifə başında olduğunu qeyd edir. “Bir daha təkrar edirik ki, bütün bunlar sistemin mahiyyətindən qaynaqlanır. Əgər hökumət siyasi iradə göstərmiş olsaydı heç bir məhkəmə vətəndaşların şikayətini rədd etməklə keçmiş qaranlıq səhifələrini sığortalamağa çalışmazdı”.

Azərbaycanda ildə 30-a yaxın  məhbus intihara əl atır.  Bunu hüuqu müdafiəçisi Eldar Zeynalov “Exo”ya bildirir. O, belə halda təcridxana və həbsxanalarda psixoloji işin təkmilləşdirilmıəsini vacib sayır.

Uzunmüddətli həbs cəzası almaq da məhbusları belə intiharlara əl atmağa məcbur edir. “ Yox, əgər insan bir müddət sonra buna əl atıbsa burada hansısa təziyqlərdən və ya psixi problemlərdən danışmaq olar. Bəzənsə kriminal dünyanın qanunları bir sıra məhbusları buna əl atmağa vadar edir”, - E.Zeynalov bildirir.

Digər kateqoriyalarla müqayisədə məhbuslar intihara meyllidirlər və ona görə də məhbəs yerlərində psixoloji xidmətin olması, fəaliyyət göstərməsi olduqca zəruridir.

“Bakını siyasi oyunlara cəlb edirlər”. “Novoe Vremya”  Azərbaycanın dövlət başçısı İlham Əliyevin Londonda Suriya ilə bağlı tədbirə qatılmasını belə dəyərləndirir.  Müəllif Rövşən Vəliyevə görə, bütün bunlar Azərbaycana yaxşı hç nə vəd etmir. İndiki halda müəllif Azərbaycanın münaqişəli problemlərə toxunmamasını daha uyğun gördüyünü bildirir.

“Yaxın Şərq siyasətində Qərb Rusiya qarşıdurması artır, buna görə də biz istəmədən belə regionun çox sərt siyasi oyunları ilə toqquşa biərik və Bakı buradan necə çıxa bilər onu gələcək göstərəcək”, - müəllif yazır.

“Nardarnın baş meydanı hələ də daxili qoşunların nəzarətindədir”, - müəllif İlkin “Yeni Müsavat”dakı” məqaləsində kənddəki son durumu anladır. Bir neçə aydır ki, kəndə sakinlərdən başqa yenə də heç kəs buraxılmır. Qəsəbəyə işləyən marşrut avtobusdan başqa heç bir maşın qəsəbəyə buraxılmır.

Kənd sakinləri yenidənqurma nəticəsində onlara verilən kompensasiyalardan narazıdırlar. Evlər söküldüyü halda hər kv. metrə 500 manat kompensasiya verilməsinə görə bu pulla ev tikməyin mümkünsüzlüyüni deyirlər.

Vaxtilə kəndin girişində yazılmış dini şüarlar qalmayıb. Bunu xatırladaq ki, Nardaranda yenidənqurma işlərilə bağlı 12 milyon manat  vəsait ayrılmışdı.

Bakıda 10-larla layihə yarımçıq alıb. Jurnalist Ramid İbrahomov “Bizim Yol”  qəzetindəki məqaləsində bilsdirir.

“Son bir neçə ildə Bakıda qızğın tikinti işləri gedirdi. Neftin qiymətinin ucuzlaşması ilə dövlət investisiyaları kəsildi, xaricdən gələn mallar bahalaşdı və on minlərlə insan işsiz qaldı. Tikintilərin çox yarımçıq qaldı ki, onlardan biri Abşeron Olimpiya İdman Kompleksidir. “2015-ci ildə ildə istifadəyə verilməli olan kompleksdə tikinti işlərinin getmədiyi bildirilir. Bakının mərkəzində köhnə Bakı mehmanxanasının yerində tikinti işi dayanıb  Bakı Dövlət Universitetinin tələbə şəhərciyinin tikintisi sahəsində də susqunluqdur. Tarixi “Sovetski məhəlləsi”ndə də söküntü işləri dayandırılıb. Yasamal Rayon İcra Hakmiyyəti sakinlərə vəd etdikləri kompensasiyaları ödəyə bilmirlər”, - müəllif yazır.