Aprelin 1-də Qəbələ rayon polisi İnşaatçıların Hüquqlarını Müdafiə Təşkilatının rəhbəri Tehran Musayevi, insan hüquqları fəalı Aydın Əliyevi və Siyavuş Yaralıyevi saxlayıb. Hər üç şəxs martın 25-də keçirilən etiraz aksiyasında iştiraka görə ittiham olunur. Bu barədə Turan-a hüquq müdafiəçiləri bildiriblər.
Siyavuş Yaralıyev bu gün yerli icra hakimiyyəti binası qarşısında özünü yandırmağa cəhd edib.
Xatırladaq ki, “Azeri Trans” şirkətinin işçiləri son 5 ayda əmək haqlarının verilməməsinə etiraz olaraq martın 25-də Qəbələdə etiraz aksiyası keçiriblər. Aksiyaçılar həmçinin 12 saatlıq iş gününün əvəzinə 8 saatlıq iş gününün tətbiq olunmasını və əmək müqavilələri bağlanmasını tələb ediblər.
Bundan əvvəl işçilər Prezident Administrasiyasına, Əmək və Əhalinin Sosial Müdafiəsi Nazirliyinə çoxsaylı müraciətlərinə cavab ala bilməyiblər.
“Kür” Vətəndaş Cəmiyyəti Qərargahının fevral hesabatında “Zəlzələnin nəticələrinin aradan qaldırılması” korrupsiya layihəsinin iştirakçısı kimi adı hallanan “Azeri Trans” ilə bağlı yeni ifşaedici faktlar aşkarlayıb. Bu barədə azadliqnews.tv bildirib.
Məlumatda yaılır ki, əvvəllər keçmiş iqtisadi inkişaf naziri Fərhad Əliyevə məxsus olan “Azeri Trans” hazırda FHN rəhbəri Kəmaləddin Heydərova yaxın şəxslərə məxsusdur. Şirkətə gizli rəhbərliyi FHN yanında Tikintiyə Təhlükəsizliyə Nəzarət Dövlət Agentliyinin rəisi Cəbrayıl Xanlarov həyata keçirir. Şirkət rəhbərliyində DİN və Sərhəd Xidmətinin xeyli keçmiş əməkdaşı təmsil olunub.
Zəlzələdən daha çox zərər dəymiş Zaqatala rayonunda 800 evin bərpasına 70 mln. manat ayrılıb. Lakin “Kür” qərargahının monitorinqinə və KİV-ə görə, cəmi 100 ev inşa edilib. Əsasən bu vəsait mənimsənilib, şəxsi hesablara köçürülüb, şəxsi villaların, Bakıdakı 5 saylı xəstəxananın yanında FHN üçün hündürmərtəbəli yaşayış evinin inşasına sərf olunub.
Vəsaitin bir hissəsi FHN rəhbəri Kəmaləddin Heydərovun votçinası hesab edilən Qəbələ rayonunun abadlığına sərf olunub.
Şirkətin rəhbər personalı Range-Rover, BMW X5 və digər bahalı avtomobillərdə gəzir. -03D-
Cəmiyyət
-
Azərbaycan hakimiyyətinin təmsilçiləri tez-tez xalqın onlara yüksək dəstəyindən bəhs edirlər. Onların opponentləri isə hesab edirlər ki, ölkədə azad və ədalətli seçkilər olmadığından xalqın gerçəkdə kimi müdafiə etdiyi mübahisəli məsələdir.
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
Rəy yaz