Nardaranda etiraz aksiyası

Bazar ertəsi Nardaran qəsəbəsinin mərkəzində İmam Hüseyn meydanında dünən həbs edilmiş ilahiyyatçı Taleh Bağırzadənin və “hicab məhbuslarının” azad edilməsi tələbi ilə etiraz aksiyası keçirilib.

Yüzlərlə aksiya iştirakçısı Bağırzadənin qanunsuz həbsi ilə bağlı qəzəblərini ifadə edərək, bunu “oğurluq” adlandırıblar. Onlar hakimiyyətdən məktəblərdə hicabın qadağan edilməsinə qarşı etiraz aksiyalarında iştiraka görə həbs edilmiş din xadimlərinə və inanclı insanlara qarşı repressiyalara son qoymağı tələb ediblər. 

Aksiya iştirakçıları həmçinin “Amerikaya ölüm!”, “İsrailə ölüm!”, “Rədd olsun korrupsiyaya uğramış Azərbaycan məmurları!” şüarları səsləndiriblər.

Mitinq iştirakçıları müntəzəm olaraq “Allahu Əkber!” şüarları səsləndiriblər.

Aksiyada yüzlərlə insan iştirak edib. Aksiya polis müdaxiləsi olmadan ötüşüb. Xatırladaq ki, ilahiyyatçı Bağırzadə martın 31-də saxlanılıb və ona qarşı qanunsuz narkotik saxlamaq ittihamı irəli sürülüb. -16C06-