Müsavat Partiyasının Divanı bazar ertəsi növbəti toplantısını keçirib. Bu haqda Turan-a partiyadan məlum olub.
Toplantıda Müsavat Partiyası başqanının müavini Tofiq Yaqublunun, “REAL” Hərəkatının rəhbəri İlqar Məmmədovun, N!DA gənclər hərəkatı üzvlərinin müdafiəsilə bağlı keçirilən “flaşmob” təqdir olunub.
İctimai-siyasi durumun müzakirəsində “NİDA”çıların, gənc din xadimi Taleh Bağırzadənin həbsləri iqtidarın gəncləri qorxutmaq cəhdi kimi dəyərləndirilib. Gənclərə qarşı irəli sürülən bütün ittihamlar qondarma adlandırılıb. Divan iqtidarın bu repressiv addımlarını pisləyərək, həbs edilənlərin azadlığa buraxılmasını tələb edib. İqtidarın təzyiqlər vasitəsilə “EL” Hərəkatını ofisindən çıxarması qanunsuzluq, sərbəst toplaşmaq və ifadə azadlığının tapdanması kimi dəyərləndirilib. -05D-
Siyasət
-
Azərbaycan Prezidenti İlham Əliyev cümə axşamı 2005-ci ildə təsdiq edilmiş məxfi məlumatların siyahısına dəyişiklik edilməsi ilə bağlı fərman imzalayıb. Dəyişikliklər, Azərbaycan Respublikasının Milli Məclisi tərəfindən 22 dekabr 2023-cü ildə qəbul edilmiş “Mühasibat uçotu haqqında” və “Dövlət sirri haqqında” qanunlara edilən düzəlişlərə uyğundur.
-
Yanvarın 23-də Bakı Apellyasiya Məhkəməsi hakim Zamin İbrahimovun sədrliyi ilə “Meydan TV”nin jurnalisti Natiq Cavadlı barədə seçilmiş həbs qətimkan tədbirnin ev dustaqlığı imkan tədbiri ilə əvəz edilməsi barədə vəsatətin təmin edilməməsi barədə Xətai Rayon Məhkəməsinin qərarından verilən şikayəti təmin etməyib. Məhkəmə jurnalisti həbsdə saxlayıb.
-
Yanvarın 23-də Azərbaycan SQ-nin Quru Qoşunları komandanının müavini general-mayor İlqar Lətifov ölkəmizdə rəsmi səfərdə olan Pakistan Silahlı Qüvvələrinin Hərbi Əməliyyatlar üzrə Baş Direktoru general-mayor Abdulla Kəşifin rəhbərlik etdiyi nümayəndə heyəti ilə görüşüb.
-
2025-ci ilin Azərbaycanda "Konstitusiya və Suverenlik İli" elan edilməsi hakimiyyətin bu il konstitusiya referendumu keçirmək planları haqqında şaiyə və təxminlərə səbəb olub.
Rəy yaz