Ermənilər saxlanılmış Kəlbəcər sakinlərini hərbi əsir hesab etmir (video) (YENİLƏNİB)

Yerevan/15.07.14/Turan-Armİnfo: Dağlıq Qarabağda iyulun 11-14-də orada saxlanılmış Azərbaycan vətəndaşları, keçmiş Kəlbəcər rayon sakinləri Şahbaz Quliyev və Dilqəm Əsgərov barəsində cinayət işi açılıb.

Ermənilər israrla saxlanılanları diversiyaçı adlandırırlar və onların üzərində avtomat, qumbara, partlayıcı maddə və s. olduğunu iddia edirlər.

“Onlar bu vəsait və silahlardan diversiya və casusluq fəaliyyəti üçün istifadə ediblər. Faktla bağlı dövlət sərhədini qanunsuz keçmək haqqında cinayət işi açılıb”, deyə Ermənistan tərəfin məlumatında bildirilir.

Elə bu gün Ermənistanın müdafiə naziri Seyran Ohanyan bildirib ki, həbs edilənlər hərbi əsir hesab olunmayacaqlar və onlar cinayətkar kimi təqib ediləcəklər. O, həmçinin saxlanılanlar barəsində beynəlxalq hüquq normalarının və Cenevrə konvensiyalarının tətbiq edilməsinin mümkünlüyünü rədd edib. -02D-

2014 İyul 15 (Çərşənbə axşamı) 13:41:46

İyulun 14-də Kəlbəcərdə ermənilər tərəfindən saxlanılan Azərbaycan vətəndaşlarından biri Dilqəm Əsgərovdur. O, Kəlbəcərin Şaplar kəndində anadan olub. Həmyerliləri onu fotosundan tanıyıblar.-03В-

2014 İyul 15 (Çərşənbə axşamı) 12:17:53

Erməni tərəfi Azərbaycan “təxribat qrupunun rəhbərinin” videosunu yayıb. Videoda əlləri arxasına burulmuş adamın avtomobildən çıxdığı göstərilir. Ermənilərin versiyasına görə, bu, iyulun 14-də Kəlbəcərdə  saxlanılan Azərbaycan təxribat qrupunun rəhbəridir. “Nəticədə qrupun rəhbəri və üzvlərinin bir hissəsi həbs olunub, digərləri xüsusi təyinatlı əməkdaşlar tərəfindən məhv

ediib”, - məlumatda deyilir. Lakin “komandir”in adı açıqlanmır. Bundan əvvəl ermənilər digər təxribatçı Şahbaz Quliyevin fotosunu yaymışdılar.

Maraqlı olan “təxribatçı”dan götürülən telefonla çəkilmiş videonun yayımlanmasıdır. Videoda “təxribatçı”lardan biri kim olduqlarını, haradan və niyə Kəlbəcərə gəldiklərini danışır.

“Bu gün biz Kəlbəcərdə mənim doğulduğum kənddə doğum günümü qeyd edirik. Biz buzov  tutub kəsmişik  və kabab bişiririk. Bizim əhali həmişə belə edib. Bizdə hətta deyirlər ki, ömründə bir dəfə də olsun mal-qara oğurlamayan adama qız verməzlər. Biz də öz adət-ənənəmizi qoruyuruq. Yanımızdakı üçüncü dostumuza da bu işi öyrədirik. Qoy, bizim hərbçilər bura gəlməyin təhlükəli olması barədə danışmasınlar. Burada sakitlikdir, hər tərəf yeməklə doludur, hələ fermadan Cermuk  şüşəsinə doldurulmuş araq da götürmşük”.

Görünür, ermənilər hesab edirlər ki, təxribatçılar məhz belə olur. Erməniləri də anlamaq çətin deyil: çünki  arxa cəbhədə mülki şəxslərin sərbəst gəzib dolaşmasını, mal-qara oğurlamasını, piknik düzəltməsini necə etiraf edəsən axı? O zaman hərbu əks-kəşfiyyatın yatdığını, cəbhə xəttində nəzarətin olmadığını da  etiraf etmək lazım gəlir.

Qeyri-rəsmi məlumatlara görə, Kəlbəcərin keçmiş sakinləri müntəzəm olaraq cəbhə xəttini keçərək öz doğma yerlərində sərbəst hərəkət edirlər.

Ermənilərin məlumatına görə, qrup Kəlbəcərə iyulun 11-də girib. Onlardan biri öldürülüb, ikisi əsir götürülüb. Hələlik yalnız birinin adı məlumdur. -02В-