Xalq Cəbhəsinin 25 illiyinə həsr olunmuş iclas

İyulun 15-də Müsavat Partiyasının ofisində Azərbaycan Xalq Cəbhəsinin qurulmasının 25 illiyinə həsr olunmuş təntənəl iclas keçirilib.

Tədbirdə bu xalq hərəkatının əsasını qoymuş hərəkatın veteranları, təşəbbüs qruplarının üzvləri və ictimai xadimlər çıxış ediblər.

Tədbirdə Arif Hacılı, Hikmət Hacızadə, Pənah Hüseyn, İsa Qəmbər və başqaları nitq söyləyiblər.

Natiqlər AXC-nin yaranması tarixinə, hərəkatın Azərbaycan cəmiyyətinin oyanmasında və kommunizm irsindən azad edilməsində, ölkənin ərazi bütövlüyü uğrunda, Qarabağda erməni separatizminə qarşı mübarizədə böyük roluna toxunublar.

25 il ərzində hərəkat çətin və birmənalı olmayan yol keçib, lakin hərəkatın əsas ideyaları – ölkənin milli müstəqilliyinin qazanılması və qorunub saxlanılması ideyası dəyişməz olaraq qalır.

Hakimiyyət nə qədər çalışsa da, Xalq Cəbhəsinin rolunu nə qədər inkar etsə də, bu gün onlar Xalq Cəbhəsinin qazandıqlarından xeyli dərəcədə istifadə edir, deyə çıxış edənlər qeyd ediblər.

Bu nailiyyətlər arasında milli valyutanın tətbiq edilməsi, rus qoşunlarının Azərbaycandan çıxarılması, Qərbin neft şirkətlərinin dəvət olunması, milli ordunun yaradılması üzrə addımlar və s. var. -02В-