Əsgər Elman İmanovun ölümü ilə bağlı Müdafiə Nazirliyinin versiyası təsdiqlənmir
İmişli rayonunda əsgər ölümü ilə bağlı növbəti qalmaqal baş verib.
Müdafiə Nazirliyinin mətbuat xidmətinin məlumatına görə, aprelin 6-da Tərtər rayonundakı hərbi hissələrdən birində əsgər Elman İmanov tabeliyindəki avtomatdan güllələnib. Bunun intihar olduğu və ya silahla ehtiyat davranma səbəbindən baş verdiyi dəqiqləşdirilməyib.
Aprelin 7-də E.İmanovun cəsədi sink tabutda İmişli rayonunun Xəlfəli kəndinə evlərinə aparılıb. Tabutu onun xidmət etdiyi hərbi hissənin deyil, qonşu hissənin üç əsgəri gətirib. Əsgərin ölümü barədə məlumatı valideynlərini Tərtərdən olan taksi sürücüsü çatdırıb.
Şahidlərin Turan-a bildirdiyinə görə, İmişli rayon polis şöbəsinin rəisi Vaqif Müslümov başda olmaqla yerli polis qohumlarının tabutu açmasına imkan verməməyə çalışıblar. Lakin onların cəhdləri nəticəsiz qalıb. Tabut açıldıqdan sonra cəsədə baxış zamanı mərhumun baş nahiyəsində dərin bıçaq yarasının olması üzə çıxıb, bədəndə güllə yarası olmayıb.
Polis cəsədin foto və videoçəkilişlərinin aparılmasına, o cümlədən jurnalistlərə mane olub. Yalnız ANS telekanalının müxbiri üçün istisna olub.
Mərhumun atası Yaqub İmanov bildirib ki, ölüm hadisəsi baş verən gün oğlu ilk dəfə qarovula rəhbərlik edib. “Elman bu yaxınlarda serjant kursunu bitirib və xidmətdən şikayət etməyib”, - o bildirib.
Y.İmanov ölümün yüksək instansiyada obyektiv araşdırılmasına nail olmaq istəyir.
Əsgər ölümlərinin səbəbləri ilə bağlı yalan informasiyanın verilməsi halları birinci dəfə deyil. Ordu rəhbərləri bununla əsgərlərin xidmət yoldaşları tərəfindən zorakılıqla öldürülməsini gizlətməyə çalışırlar. –0—
-
- İqtisadiyyat
- 8 Aprel 2013 12:53
-
- Cəmiyyət
- 8 Aprel 2013 13:15
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz