![Əsgərin valideynləri oğlunun qatilinin tapılmasını tələb edirlər](https://turan.az/resized/media/2013/main/012900026439-750-500-resize.webp)
Əsgərin valideynləri oğlunun qatilinin tapılmasını tələb edirlər
Bu gün Reportyorların Azadlıq və Təhlükəsizlik İnstitutunun mətbuat mərkəzində "Silahlı Qüvvələrə Demokratik Vətəndaş Nəzarəti Azərbaycan Mərkəzi"nin direktoru, hüquq müdafiəçisi Ələkbər Məmmədov əsgər Elşən Novruzov naməlum ölümü ilə əlaqədar valideynlər mətbuat konfransı keçirilib.
Əsgərin valideyni Novruzova Səlbi oğlunun rəsmilərin bildiriyi kimi miningintdən ölməsini təkzib edib.
Onun sözlərinə görə oğlunun ölümü barədə məlumat verək bildirib ki, oğlu ona zəng edərək hərbi hissədə incidildiyini deyib.
Oğlunun miningintdən ölmədiyini və onun hərbi hissədə döyülərək öldürüldüyünü deyən Səlbi Novruzova indiyədək oğlunun ölüm səbəbləri barədə hərbi prokurorluq tərəfindən heç bir araşdırma aparılmadığını deyib.
Oğlunun 45 günün əsgəri olduğunu deyən Səlbi Novruzova "Elşən hospitalda olarkən onun yanına girəndə, boyun hissəsi qızararaq şişmişdi. Hərbi hissədən bizə məlumat verdilər ki, siz hərbi hissədən gedən gün komandir və bir neçə əsgər Elşəni döyərək boynundan təpiklə möhkəm vurdular. Nə oldusa ondan sonra oldu. Bu sözləri deyən əsgərlərin heç biri hazırda həmin hərbi hissədə yoxdu. Biz ikinci dəfə ora gedəndə həmin əsgərləri tapa bilmədik. Elşən hospitalda olanda bütün bədəni tamamilə hərəkətsiz idi. Mən çölə çıxıb səs-küy salanda ki, balamı öldürüblər, həkimlər məni sakitləşdirmək üçün Elşənin yaşadığını söylədilər. Təxminən 8 gün bizi aldatdılar ki Elşən yaşayır. 8 gündən sonra bildik ki, Elşən ölüb. Halbuki, balamı ayın 19-u öldürmüşdülər"bildirib.
Bundan əlavə əsgər anası bildirib ki, övladlarını hərbi hissəsinin yaxşı yerinə saldırmaq üçün 1800 manat pul verdikləri Yevlax Hərbi Polisin əməkdaşı Mirhəmid Nağıyev barəsində də rüşvətalama maddəsilə cinayət işi qaldırılıb.
Eyni zamanda bu iş barəsində də onlara ətraflı məlumat verilmədyini deyib.
Həmçinin əsgər anası onu da bildirib ki, Mirhəmid Nağıyev onunla bağlı edilən şikayətlərini geri götürmək üçün 30 min manatdan çox pul təklif edib
Sonra çıxış edən əsgər atası Nəriman Novruzov oğlunun meyitinə qarşı edilən münasibətdən danışıb: “Elşənin cənazəsini evə gətirəndə, bütün polisləri və icra başçısını tökdülər ki, hər hansı bir çəkiliş aparılmasın. Hətta imkan vermədilər ki, meyiti açıb baxaq. " deyən atası oğlunun iki köhnə mələfəyə büküb evlərinin yanına tulladığını vurğulayıb.
Bundan əlavə vəfat edən əsgərin yaxınları baş vermiş olayın obyektiv araşdırılmasını və Elşən Novruzovun ölümündə təqsiri olan şəxslərin cəzalandırılmasını tələb ediblər.
Öz növbəsində "Silahlı Qüvvələrə Demokratik Vətəndaş Nəzarəti Azərbaycan Mərkəzi"nin direktoru, hüquq müdafiəçisi Ələkbər Məmmədov bildirib ki, bu günə qədər kifayət qədər əsgər ölümlərinin olmasına baxmayaraq ordu rəhbərliyindən heç kəs cəzalandırılmayıb: “Nə qədər ki, ordu rəhbərliyi cəzalandırılmayıb, bu tip hadisələr davam edəcək." deyə o bildirib.
Tədbirin sonundan sonra əsgərin valideynləri Respublika Hərbi prokurorluğuna gedərək oğlanlarının ölüm səbəbinin araşdırılmasını tələb ediblər.
Valideynləri Respublik hərbi prokuroru Xanlar Vəliyev bir ay müddətinə işin hər tərəfli obyektiv araşdırılacağı barədə göstəriş verib.-16C-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz