![Müsavat Partiyası iqtidarı acizlikdə ittiham edir](https://turan.az/resized/750/500/resize/media/2013/main/012900026431.jpg)
Müsavat Partiyası iqtidarı acizlikdə ittiham edir
Müsavat Partiyası başqanının müavini Tofiq Yaqublu çərşənbə axşamı ölkə prokurorluğunun Ağır Cinayətlərə qarşı istintaq idarəsinə çağırılıb. Bu haqda Turan-a partiyadan məlum olub.
Xəbərdə deyilir ki, müstəntiq Nadir Mirzəyev T.Yaqublunun yanvarın 24-də İsmayıllıya səfərilə bağlı sorğu-sual edib, aidiyyatı olmayan suallar verib. Açıqlamada deyilir ki, T.Yaqublu İsmayıllıya hadisələr haqqında reportaj hazırlamaq ücün “Yeni Müsavat” qəzetinin əməkdaşı kimi gedib. Qısa müddət orada qalandan sonra, polis tərəfindən saxlanılaraq Bakıya qaytarılıb. Müsavat Partiyası başqanının müşaviri Yeganə Haciyeva isə yanvarın 29-u səhər Sumqayıt şəhər polis idarəsinə çağırılıb. 1 saylı polis bölməsinin Azər adlı əməkdaşı Y.Hacıyevanı Bakı şəhəri 8-ci mikrorayonda kirayədə qaldığı evdə qonşularının şikayətçi olması adı ilə dəvət edib. Y.Hacıyeva İsmayıllı və Binə ticarət mərkəzindəki hadisələrə dəstək məqsədi ilə yanvarın 26-da Bakıda keçirilən aksiyada vəhşicəsinə döyülüb, polis tərəfindən saxlanılıb, durumunun ağırlığına görə sonra sərbəst buraxılıb. Y.Hacıyeva Bakı şəhərində yox, Sumqayıtda öz ata evində yaşayır.
Müsavat Partiyası bu təzyiqləri iqtidarın son vaxtlar ölkəni bürüyən, daim artmaqda olan sosial narazılıqların öhdəsindən gəlməkdə acizliyilə əlaqələndirir. Xalq tələblərini dinləmək, köklü sosial-iqtisadi və siyasi islahatlar əvəzinə baş verən olaylarda iqtidarın müxalifət “izi” axtarması, ictmai-siyasi fəalları təqib etməsi vətəndaşlara qarşı repressiya kimi dəyərləndirilir.
Açıqlamada məhz son iyirmi ildə yeridilən bu cür səriştəsiz siyasətin ölkəni indiki ağır duruma saldığı deyilir, iqtidardan müxalif fəalların absurd ittiham və şantaj yolu ilə təqib olunmalarını dayandırması tələb edilir.
Son olaraq Binə və İsmayıllı hadisələri zamanı həbs olunanların dərhal azad olunmaları, onlara qarşı qeyri-qanuni üsullarla rəftar edən, tutulanları təzyiq və işgəncələrə məruz qoyan şəxslərin cəzalandırılmasını tələb edir. -05D-
-
- İqtisadiyyat
- 29 Yanvar 2013 16:31
-
- Cəmiyyət
- 29 Yanvar 2013 17:35
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz