![Everestçilər Moskvada bir araya gəlirlər](https://turan.az/resized/750/500/resize/media/2012/main/110500017002.jpg)
Everestçilər Moskvada bir araya gəlirlər
Noyabrın 8-də Rusiyanın paytaxtı Moskva şəhərində dünyanın ən yüksək zirvəsi olan Everesti fəth etmiş 60-dan çox alpinistin iştirak edəcəyi unikal tədbir keçiriləcək.
Tədbir təşkilatçıları MDB ölkələrinin alpinizm federasiyaları arasında yalnız nümayəndələri planetin ən yüksək zirvəsinə qalxmış federasiyalara dəvətnamə göndərib.
Tədbir sovet və Rusiya alpinizminin yubileyi – Everestə ilk sovet Himalay ekspedisiyasının 30 illiyi və Everestə ilk rus ekspedisiyasının 20-ci ildönümü münasibətilə keçirilir.
Qurultayda Azərbaycan, Belarus, Ukrayna, Rusiya, Latviya, Gürcüstan, Litva, Moldova, Özbəkistan, Qazaxıstan və Qırğızıstanın ən titullu alpinistləri, sovet alpinizminin əfsanələri, həmçinin fəxri qonaq kimi UİAA-nın yeni prezidenti Fritz Vridclandt iştirak edəcəklər.
Beynəlxalq görüşün proqramına dağadırmanma haqqında kino və videoxronika, “1907-1953-cü illərdə Everestin fəth olunma tarixi” adlı slayd-şou, foto-sərgi, İdman Muzeyindən unikal eksponatların nümayişi, “Everest Fatehi” nişanının təqdim olunması daxildir.
Beynəlxalq əhəmiyyətli tədbirdə ölkəmizi Azərbaycan Alpinizm Federasiyasının prezidenti, bugünki gündə Everesti fəth etmiş yeganə azərbaycanlı İsrafil Aşurlı təmsil edəcək.
Turan Aşurlıdan qarşıdan gələn hadisə və dünyanın ən yüksək zirvəsinin azərbaycanlı idmançı tərəfindən fətholunma tarixini şərh etməyi xahiş etdi.
“Mən dünyanın ən yüksək nöqtəsini fəth etmiş alpinistlərin bir araya gətirilməsi kimi gözəl ideyaya görə qurultayın təşkilatçılarına minnətdaram. Everestçilərin birinci qurultayı 2003-cü ilin mayında Nepalın paytaxtı Katmandu şəhərində keçirilib. O zaman Nepal kralı bütün ölkələrdən olan Everestçi alpinistləri şəxsən dəvət etmişdi. Hazırda söhbət keçmiş SSRİ–nin everestçilərindən gedir. Bu, kütləviliyinə görə, Nepaldan sonra ikinci böyük toplantıdır. Bu tədbir təkcə sovet alpinizimi deyil, eləcə də Rusiya alpinizmi üçün yubiley illərində keçirilir. Bu il Azərbaycan bayrağının dünyanın ən hündür nöqtəsinə aldırlmasının 5 ili tamam olur. Hələ də inana bilmmirəm ki, belə böyük xoşbəxlik mənə qismət olub. İnanıram ki, bizdə də milli alpinizmlə bağlı yubiley tədbirlərinə lazımı diqqət və qayğı göstəriləcək” – deyə cənab Aşurlı qeyd edib.
Əminəm ki, yaxın gələcəkdə bizim gənc alpinistlərimiz öz adlarını Everest fatehlərinin siyahısına əlavə edəcəklər və məni beynəlxalq qurultaylarda tək qoymayacaqlar. Son illər Federasiya ölkənin gənc alpinistlərdən ibarət komandasının hazırlığı istiqamətində işləri uğurla həyata keçirir. Ötən iki mövsümdə gənc alpinistlərimiz müxtəlif marşrutlar üzrə İbn Sina (keçmiş Lenin – 7134m), Korjenevski (7105m) və İsmayıl Samoni (keçmiş Kommunizm – 7495m) zirvələrinə qalxıblar. Söhbət yalnız idman xarakterli ekspedisiyalardan gedir və alpinistlərimizin kommersiya xarakterli ekspedisiyalarda iştirakı müzakirə mövzusu deyil. Həmçinin, kirayə gid-bələdçilərin xidmətindən istifadə etməyi də nəzərdə tutmuruq. Biz yüksək zirvələrdə maraqlı (müxtəlif) tapşırıqların öhdəsindən gələ biləcək güclü alpinistlər nəsli yetişdiririk”. -0-
-
- İqtisadiyyat
- 5 Noyabr 2012 14:34
-
- Siyasət
- 5 Noyabr 2012 15:28
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz