Dövlət başçısı tərəfindən əvf olunmuş “Xural” qəzetinin redaktoru Əvəz Zeynallı bu gün Fəxri Xiyabanı ziyarət edərək, Heydər Əliyevin və onun həyat yoldaşı Zərifə Əliyevanın qəbirlərinə gül qoyub.
Bundan əvvəl o, Şəhidlər Xiyabanını ziyarət edib. Bundan başqa, o, keçmiş prezident Əbülfəz Elçibəyin və bir sıra digər ictimai və siyasi xadimlərin məzarlarına gül qoyub.
Xatırladaq ki, Zeynallı 2011-ci ilin sentyabrında deputat Gülər Əhmədovanın şikayəti ilə həbs olunub. Sonradan o, pul tələb etmək və vergi ödənişindən yayınmaq ittihamları ilə 9 il müddətinə mühakimə olunub.
O, siyasi məhbus kimi qəbul edilib və beynəlxalq təşkilatlar və yerli hüquq müdafiəçiləri bir neçə il onun azad olunması uğrunda mübarizə aparıblar.
Həbsdə olarkən o, daim hakimiyyəti siyasi sifarişdə, xüsusən Prezident Administrasiyasının rəhbəri Ramiz Mehdiyevi onun həbsini təşkil etməkdə ittiham edirdi. -06D-
Cəmiyyət
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
-
Çərşənbə günü paytaxtda hava tutqun olacaq. Axşama doğru Abşeronda bəzi yerlərdə yağıntı ola bilər. Şimal-qərb küləyi əsəcək. Havanın temperaturu gecə mənfi 1 + 2, gündüz müsbət 3 +7 dərəcə olacaq. Rütubət gecə 70-80, gündüz 60-65 faiz olacaq.
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
Rəy yaz