Amerikada yaşayan məşhur əfqan yazıçısı, "Çərpələng uçuran" romanının müəllifi Khaled Hosseini AzadlıqRadiosunun həbsdə olan müxbiri Xədicə İsmayılın müdafiəsinə qoşuldu.
Onun da qoşulduğu "PEN Amerika Mərkəzi"nin bəyanatında deyilir ki, jurnalist və tərcüməçi X.İsmayılın həbsi Azərbaycanın beynəlxalq imicinə ləkədir.
Jurnalistin həbsinin "qurama" adlandırıldığı bəyanatda qeyd edilir ki, X.İsmayıl ölkədə aparıcı araşdırmaçı jurnalistlərdəndir və geniş yayılmış korrupsiya və insan haqları pozuntuları hallarını üzə çıxarır.
X.İsmayıl həm də Khaled Hosseini-nin "Çərpələng uçuran" romanını Azərbaycan dilinə tərcümə edib.
"Mən X.İsmayılın Azərbaycan hökuməti tərəfindən həbsindən çox məyus olmuşam. Yazıçı olaraq mən yazmaq və ideyaları təqiblərdən ehtiyat etməyərək paylaşmaq azadlığını müqəddəs dəyər sayıram. Bu azadlıq istənilən, mənalı dialoq üçün vacibdir. Azərbaycan hökumətinin Xədicəni susdurmaq üçün çoxsaylı cəhdləri və onu bu azadlıqdan məhrum etməsi onun cəsarəti və aşırı təqiblər qarşısında nüfuzunu göstərir" - deyə Khaled Hosseini qeyd edib.
Xədicə İsmayıl"Amerika PEN Mərkəzi" xatırladır ki, X.İsmayılı susdurmaq üçün son cəhdlər prezident aparatından qaynaqlanır. Prezident administrasiyasının rəhbəri həbsdən az əvvəl 60 səhifəlik yazı yazaraq jurnalisti "itaətsizlikdə və xaricdəki himayədarlarından sifariş alaraq Azərbaycan cəmiyyətinin tanınmış şəxslərinə qarşı destruktiv münasibət sərgiləməkdə" ittiham edib. Bununla da Xədicənin Azadlıq Radiosunda işləməsinə işarə edib. Bundan sonra isə - dekabrın 26-də Azadlıq Radiosunun Bakı bürosuna da polis tərəfindən reyd edilib və radionun onlarla əməkdaşı dindirilib, evlərinə reydlər edilib.
“Mənim üçün şərəfdir ki, səsimi Azərbaycan oxucusuna X.İsmayıl çatdırıb. İndi mənim onun səsinə səs vermək növbəm çatıb. Ümid edirəm ki, dünya onun dərhal azadlığa buraxılması və qeyd-şərtsiz jurnalistlik kimi mühüm işinə qayıtması çağırışlarıma qoşulacaq" - deyə yazıçı qeyd edib.
Söz istəyirəm
-
Dünən “Yeni Azərbaycan” qəzeti və hökumətə bağlı 5-6 sayt Milli Şuranın adından rus padşahı Vladimir Putunə bir saxta məktub dərc edib. Bu məktub əhvalatı mənim yadıma Kiyevdə knyaz Svyatopolk İzyaslaviçin ölümündən sonra boyar dumasının 1113-cü ildə Putinin ulu babası II Vladimir Monomaxa yazdığı məktubu saldı. Onlar yazırdılar ki, knyaz təcili olaraq Kiyevə gəl, sən gəlməsən çox böyük təlatümlər olacaq, şəhər talan ediləcək, boyarlara və monastırlara hücum olacaq.
-
22 yanvar Ukrayna üçün mühüm bir tarixdir – biz bu gün Ukraynanın Birləşmə Gününü qeyd edirik. Məhz 1919-cu ilin bu günü Kiyevdəki Sofiya meydanında Ukrayna Xalq Respublikası (UXR) ilə Qərbi Ukrayna Xalq Respublikasının (QUXR) birləşməsi haqqında Akt elan edildi. Bu, tarixi bir an idi ki, o zaman ukraynalıların vahid və bölünməz Ukrayna arzusu gerçəkliyə çevrildi.
-
20 yanvar ərəfəsində arxivləri yerbəyer edərkən rəhmətlik həmkarım Fərhad Kərimovun mənə verdiyi fotoşəkillər qovluğuna rast gəldim.
-
Yanvarın 7-də prezident İlham Əliyevin yerli telekanallarla mətbuat konfransında Real TV-nin nümayəndəsi belə bir sual verdi: "Trampı bizimlə bir gəmidə görürsünüz..."
Rəy yaz