![Məlahət Zeynallı](https://turan.az/resized/media/2022/main/092600051642-750-500-resize.webp)
Məlahət Zeynallı
Əvəz Zeynallının ailəsi onunla görüşə bilmir
Bakı/26.09.22/Turan: Həbsdə olan Xural saytının rəhbəri Əvəz Zeynallıya ailəsi ilə görüş verilmir. Bu barədə onun həyat yoldaşı Məlahət Zeynallı məlumat verib.
Onun sözlərinə görə, Dövlət Təhlükəsizliyi Xidmətinin istintaq təcridxanasında saxlanılan Əvəz Zeynallıya rəsmi qaydada görüş qadağan olunub. "Hətta telefon danışıqlarına icazə verilmir. Mən artıq 20 gündür onunla danışmıram. Bu da bir daha sübut edir ki, iş siyasidir və Əvəz Zeynallını susdurmaq məqsədini güdür".
O qeyd edib ki, axtarış zamanı Əvəz Zeynallının evindən maddi vəsait götürülüb. "Bu, bizim ailə büdcəmizdir, o təkcə Əvəz Zeynallıya aid deyil ki. Aparılıb və mən 20 gündür ki, bu adamlara deyə bilmirəm ki, qaytarın. Gah deyirlər ki, banka depozitə qoymuşuq, gah başqa nəsə deyirlər. Görünür ki, burada məqsəd Əvəz Zeynallıya bacardıqca təsir, təzyiq etməkdir".
Məlahət Zeynallının sözlərinə görə, jurnalistin səhhəti yaxşı deyil. "Mənə dərman adını yazıb veriblər ki, bunu alım vəkil vasitəsilə çatdırım. Bu, göz üçün dərmandır. Əvəz Zeynallı şəkər xəstəliyindən müalicə alırdı, indi müalicəni etdirib-etdirmədiyini bilmirəm. Həm də, görünür ki, gözü zəifləməyə başlayıb. Gözündə təzyiq olduğu üçün çox güclü baş ağrıları olur".
Məsələ ilə bağlı Baş Prokurorluğun Mətbuat Xidmətindən isə Turan-a bildirilib ki, Cinayət-Prosessual tələblərinə uyğun olaraq istintaq orqanı tərəfindən görüş üçün hər hansı məhdudiyyət tədbiq olunmayıb. 0
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz