Daxili İşlər Nazirliyinin İnsan Alverinə Qarşı Mübarizə İdarəsi Şamaxı rayonunun ərazisindəki “Savalan” restoranında rayon sakini Yusif Məmmədovun gəlir əldə etmək məqsədi ilə əxlaqsızlıq yuvası təşkil etdiyini müəyyən edib. Bu barədə Daxili İşlər Nazirliyinin mətbuat xidməti məlumat yayıb.
Xəbərdə neçə nəfərin əxlaqsızlığa cəlb edilməsi, kimlərin tutulması barədə məlumat verilmir. -03D-
Cəmiyyət
-
Bakının Qaradağ rayonundan yeni köçkün qrupu Şuşa şəhərinə gedib, Qaçqınların və Məcburi Köçkünlərin İşləri üzrə Dövlət Komitəsi bildirib. Şuşanın yetmiş doqquz sakini, o cümlədən 21 ailə doğma şəhərə qayıdıb.
-
İyulun 31-də paytaxtda yağıntı gözlənilmir. Cənub-qərb küləyi əsəcək, günün ikinci yarısında şimal-qərb küləyinə keçəcək.
-
Azərbaycan Mərkəzi Seçki Komissiyası politoloq, “Atlas” Analitik Mərkəzinin rəhbəri Elxan Şahinoğluna bildirib ki, qarşıdakı parlament seçkilərində onun namizədliyi qəbul edilməyib. Şahinoğlu bu qərar barədə X sosial media- platforma vasitəsilə bildirib və məlumat verib ki, yeddigünlük cavab müddətinin bitməsinə cəmi 30 dəqiqə qalmış Mərkəzi Seçki Komissiyası onu telefonla xəbərdar edib.
-
Ölkənin ən böyük özəl operatoru “Bakcell” “Dream Fest” Beynəlxalq Musiqi Festivalının premium sponsoru olub. Festival ərzində iştirakçılar “Bakcell” stendinə yaxınlaşaraq şirkətin yeni və innovativ məhsulları barədə məlumat alıblar, xüsusi hədiyyələr qazanmaq imkanı əldə ediblər. Bundan əlavə, şirkət festivalda çıxış edən dünya ulduzlarına “Bakcell” nömrələri təqdim edərək onları ölkəmizdə olduqları müddətdə yüksəkkeyfiyyətli mobil rabitə xidmətləri ilə təmin edib.
Rəy yaz