Ekspertlər: Əli Əhmədovun İTV efirində hədələri yolverilməzdir

Əli Əhmədovun (İlham Əliyevin səlahiyyətli nümayəndəsi) digər namizəd Cəmil Həsənliyə qarşı tezliklə hüquq-mühafizə orqanlarının onunla hesablaşacağı barədə açıq-aşkar hədəsi yolverilməzdir.

Namizədlərin İctimai Televiziyada teledebatlarda belə açıq-aşkar hədələri və bəyanatları təkcə etika deyil, qanun çərçivəsindən də kənara çıxır. Bu fikri Seçkilərin Monitorinqi və Demokratiyanın Tədrisi (SMDT) Mərkəzinin icraçı direktoru Bəşir Süleymanlı Turan agentliyinə hakim partiya liderlərindən birinin ifadələrini şərh edərkən bildirib.

Hakimiyyət nümayəndəsinin bu aqressiyası Həsəninin İlham Əliyevin qanunsuz gəlirləri haqqında bəyanatına cavabda səslənib. Lakin bu ifadələrdə cinayət araşdırması üçün əsas yoxdur. “Onun açıqladığı faktlar KİV-də dərc edilib və Həsənli sadəcə onları təkrar edib, öz fikrini ifadə edib və hakimiyyəti açıqlama verməyə çağırıb”, deyə ekspert bildirib.

Hüquq və İnkişaf Mərkəzinin rəhbəri Hafiz Həsənov da analoji fikir bildirib.

Əhmədovun hansısa iradları varsa, o, MSK-ya müraciət etməlidir.

Həsənlinin ifadələrində cinayət elementləri yoxdur, onun fikirləri əvvəllər KİV-də, əksərən də beynəlxalq KİV-lərdə açıqlanmış materiallara əsaslanır. Həsənli yalnız bu məlumatlardan seçkiqabağı təşviqat üçün istifadə edib. Bununla o, ölkə Konstitusiyasının 47-ci, Avropa İnsan Hüquqları Məhkəməsinin 10-cu maddəsində zəmanət verilmiş ifadə azadlığı hüququnu həyata keçirib, deyə ekspert qeyd edib. -06D-