Fevralda Azərbaycanda COVID-19-a yoluxma üzrə 514 hal aşkar edilib
Fevralda Azərbaycanda COVID-19 koronavirus infeksiyasına yoluxma üzrə 514 hal qeydə alınıb, Nazirlər Kabineti yanında Operativ Qərargah bildirib.
28 nəfər vəfat edib. 513 nəfər sağalıb.
Martın 1-nə olan məlumata görə, aktiv COVID-19 xəstələrinin sayı 114 nəfərdir.
Xatırladaq ki, Azərbaycanda 2020-ci ilin martında tətbiq edilmiş xüsusi karantin rejimi hələ də qüvvədədir.
Eyni zamanda, yeganə məhdudiyyət qonşu dövlətlərlə quru sərhədlərin bağlı olaraq qalmasıdır.
Hökumət quru sərhəd üzrə hərəkətə qadağanın qalmasının səbəbilə bağlı ağlabatan izahat vermir AZAL aviaşirkəti isə ölkənin beynəlxalq aeroportlarında sərnişin axınının artdığını bildirir.
Cəmiyyət
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
-
Yanvarın 14-də saat 12:30-da Dövlət Sərhəd Xidmətinin Sərhəd Qoşunları Komandanlığının "Horadiz" sərhəd dəstəsinin xidməti ərazisində ümumi çəkisi 37 kiloqram 396 qram narkotik vasitənin - marixuananın qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
Rəy yaz