![Fəvvarələr Meydanında etiraz aksiyasının 12 iştirakçısı inzibati həbsə məhkum edilib (yenilənib)](https://turan.az/resized/media/2012/main/102000015537-750-500-resize.webp)
Fəvvarələr Meydanında etiraz aksiyasının 12 iştirakçısı inzibati həbsə məhkum edilib (yenilənib)
Şənbə günü Fəvvarələr Meydanında Azərbaycan parlamentinin buraxılması tələbi ilə keçirilən etiraz aksiyasının daha iki iştirakçısı inzibati həbs cəzası alıb. AXCP üzvü Dəyanət Babayev 10 sutka, bitərəf Ülvi Quliyev 8 sutka həbsə məhkum edilib.
Beləliklə inzibati qaydada həbs olunanların sayi 12-ə catıb.
***
Şənbə günü Fəvvarələr Meydanında Azərbaycan parlamentinin buraxılması tələbi ilə keçirilən etiraz aksiyasının on iştirakçısı 7 gündən 10 günədək inzibati həbs cəzası alıb.
Xüsusən, keçmiş "vicdan məhbusları" - Müsavat Partiyası gənclər təşkilatının sədri Tural Abbaslı və onun müavini Əhəd Məmmədli, habelə AXCP Suraxanı rayon təşkilatının sədri Vaqif Xalıqov 10 gün həbsə məhkum edilib.
Müsavat Partiyasının gənc fəalı Rüfət Hacıbəyli 9 gün həbs cəzası alıb.
AXCP Cəlilabad rayon təşkialtının sədri Təzəxan Mirələmli və AXCP Gənclər komitəsinin sədri Əbülfəz Qurbanlı 8 gün müddətinə həbs edilib.
AXCP fəalı Bəhruz Həsənov, "Azad gənclik" gənclər təşkilatının sədri Ülvi Həsənli, Nida gənclər hərəkatının idarə heyətinin üzvü Turqut Qəmbər, Müsavat Partiyasının üzvü Elşad Budaqov (Fəvvarələr Meydanında deyil, polisin və mülki geyimli şəxslərin Müsavat partiyasının qərargah mənzilinə basqını zamanı saxlanılıb) 7 gün inzibati həbs cəzasına məhkum edilib.
Ümumilikdə, müxalifət partiyalarının məlumatına görə, Fəvvarələr Meydanında və şəhərin digər hissələrində 110-dan çox insan saxlanılıb. AXCP partiya 53 fəalının saxlanıldığını bildirib. Həbs edilən 4 nəfərdən başqa (yuxarıda adları qeyd edilən), partiyanın daha 20 fəalı avtobuslarla Qobustan qəsəbəsinə aparılıblar və orada gediş-gəlişsiz qayalıq yerdə sərbəst buraxılıblar, deyə AXCP sədr müavini Faiq Əmirov bildirib. Digərləri xəbərdarlıq və cərimə edildikdən sonra buraxılıblar.
Müsavat partiyasının sədr müavini Gülağa Aslanlı 58 müsavatçının saxlanıldığını bildirib.
Onlardan 3 nəfəri 7-10 günlük həbs cəzası alıb (adları yuxarıda qeyd edilib), 22 nəfər 11-22 manat cərimə olunub. Daha 34 nəfərə xəbərdarlıq edilib.
Digər saxlanılanlar polis bölmələrində inzibati cəza kəsildikdən və xəbərdarlıq edildikdən sonra sərbəst buraxılıblar.
DİN və paytaxt polisi saxlanılanların sayı və onlar barəsində görülmüş tədbirlər barədə məlumat vermir.
Xatırladaq ki, parlamentin buraxılması tələbinə keçmiş deputat Gülər Əhmədovanın Beynəlxalq Universitetin keçmiş rektoru Elşad Abdullayev arasında videoyazı səbəb olub. Onlar Abdullayevin deputat seçilməsi üçün verəcəyi rüşvətin məbləğini müzakirə edirdilər.
Müxalifət videoyazını parlamentin seçkilərdə saxtalaşdırmalar yolu ilə formalaşdırılmasının sübutu sayır. -06B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz