![FHN-də zəlzələ ilə bağlı müşavirə olub](https://turan.az/resized/750/500/resize/media/2019/main/040300017872.jpg)
FHN-də zəlzələ ilə bağlı müşavirə olub
Bakı/03.04.19/Turan: Bu gün Fövqəladə Hallar Nazirliyində geniş kollegiya iclasında fevralın 5-də və 6-da Şamaxı, Ağsu və İsmayıllı rayonları ərazisində baş vermiş zəlzələnin nəticələrinin aradan qaldırılması ilə bağlı görülən işlərdən danışılıb. Bu barədə nazilriyin yaydığı məlumatda deyilir.
Bildirilib ki, indiyə kimi zəlzələ zonasından 8810 müraciət daxil olub, 8352 fərdi yaşayış evinə baxış keçirilib.
"Şamaxı rayonu ərazisində 267 qəzalı, 1227 bərpaya ehtiyacı olan, İsmayıllıda 101 qəzalı, 290 bərpaya ehtiyacı olan və Ağsuda 215 qəzalı, 351 bərpaya ehtiyacı olan ev müəyyən edilib", - məlumatda deyilir.
Üç rayonda ümumilikdə 79 ev sökülüb, 56 evin tikintisinə başlanılıb. Şamaxıda hazırda 2 girişli, 4 mərtəbəli, 44 mənzilli yaşayış binasının tikintisi davam etdirilir. Bundan əlavə, bərpa işləri məqsədilə 235 evdə ölçü işləri aparılıb və 132 evin layihə-smeta sənədləri hazırlanır.
Keçirilmiş baxış nəticəsində Şamaxı rayonunda 2 qəzalı, 4 bərpaya ehtiyacı olan sosial obyekt, İsmayıllı rayonunda 3 qəzalı, 6 bərpaya ehtiyacı olan sosial obyekt, Ağsu rayonunda 4 qəzalı sosial obyekt müəyyən edilib.
İclasda martın 26-da Bakı şəhərinin Nizami rayonunda "Diqlas" Ticarət Mərkəzində baş vermiş yanğın hadisəsi barədə məlumat dinlənilib.
Bu obyektdə yanğın təhlükəsizliyi qaydalarının pozulmasına dair məlumatda bildirilir ki, mövcud vəziyyəti öyrənmək üçün 2018-ci ildə obyektdə aparılmış videoçəkiliş əsasında obyektin yanğına qarşı su hovuzu və avtomatik yanğınsöndürmə qurğusu ilə təchiz olunmadığı müəyyən edilib.
İclasda vurğulanıb ki, "Diqlas" Ticarət Mərkəzində yanğın təhlükəsizliyi qaydalarının pozulması və bu pozuntuların aradan qaldırılmasının zəruriliyi ilə bağlı Ticarət Mərkəzinin rəhbərliyinə və digər aidiyyəti şəxslərə dəfələrlə rəsmi şəkildə xəbərdarlıq edilsə də, Ticarət Mərkəzində yanğın təhlükəsizliyi qaydaları ilə bağlı pozuntular aradan qaldırılmayıb.-0-
-
- Maliyyə
- 3 Aprel 2019 13:12
-
- Çətin sual
- 3 Aprel 2019 13:55
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz