Keçmiş XİN rəhbəri: �Müharibənin reallığı qalır�
Bakı/03.04.19/Turan: Azərbaycan ictimaiyyəti çox yaxşı başa düşür ki, işğal edilmiş torpaqları danışıqlar yolu ilə azad etmək mümkün deyil. Bunu Azərbaycanın keçmiş xarici işlər naziri Tofiq Zülfüqarov Turan agentliyinin "Çətin sual" proqramına müsahibəsində martın 29-da İlham Əliyevlə Nikol Paşinyanın görüşünün yekunlarıın şərh edərkən deyib.
Buna səbəb Ermənistanın mövqeyidir, onlar işğal edilmiş torpaqları azad eləmək istəmirlər. "Bu şəraitdə danışıqların olması və fayda gətirməsi mümkün deyil. Beynəlxalq vasitəçilərə gəlincə, onlar belə düşünürlər: sülh yoxdur, heç olmasa müharibə də olmasın".
Odur ki, müharibə hər an başlaya bilər, T.Zülfüqarov hesab edir.
ATƏT-in Minsk Qrupu həmsədrlərinin bəyanatlarında atəşkəs rejiminin möhkəmləndirilməsi və humanitar məsələlərin həllilə bağlı xatırlatmalara gəlincə, vasitəçilər göstərmək istəyirlər ki, hansısa real addımları atırlar və hansısa məsələləri həll etmək niyyətindədirlər.
"Azərbaycanın marağı ondan ibarətdir ki, əsirlikdə olan insanlarımızı azad etsin. Atəşkəs rejiminin möhkəmləndirilməsinə gəlincə, Ermənistan tərəfi dəfələrlə bu məsələni qaldırır və həmsədrlər onları dəstəkləyirlər. Ancaq Vyanada görüşün keçirildiyi gün Ermənistanın müdafiə naziri David Tonoyan ABŞ-da bildirib ki, Ermənistan yeni ərazilərin işğalına hazırdır. Bu bəyanatı Paşinyan da dəstəkləyib.
"Bunu nəzərə alsaq, Vyana danışıqlarının nəticəsi ondan ibarətdir ki, heç bir nəticə əldə olunmayıb", - T.Zülfüqarov vurğulayıb.
Danışıqların formatının dəyişdirilməsi və Dağlıq Qarabağın onlara qoşulması barədə Ermənistanın təklifiinə gəlincə, Ermənistanın "sülh müqabilində ərazi" prinsipindən imtina etməsilə bağlı Paşinyanın bəyanatını nəzərə alsaq, format məsələsi ikinci dərəcəli olur.
"Nikol Paşinyan bəyan eləməli idi ki, biz işğal olunmuş torpaqları azad etməliyik. Bu, Minsk Qrupunun əsas vəzifələrindən biridir. Minsk Qrupu yaranan gündən bu məsələni təmin etməlidir. Onların mandatı bundan ibarətdir, ancaq Nikol Paşinyan bu mandatı öz bəyanatı ilə ləğv elədi", - T.Zülfüqarov deyib. -06D-
-
- Cəmiyyət
- 3 Aprel 2019 13:51
Çətin sual
-
Sentyabrın 1-nə təyin olunmuş növbədənkənar parlament seçkilərində iştirak etmək üçün imzatoplama kampaniyası hazırda davam edir. Hazırda mindən çox şəxsin namizəd olmaq üçün müraciət etdiyi bildirilir.
-
Son vaxtlar aqressiyanın artmasının səbəbi olaraq şok effekti yaradan kriminal xəbərləri tez-tez eşidirik.
-
İlin sonuna kimi məktəblərdə adambaşına maliyyələşmə sisteminə keçid planlaşdırılır. Elm və təhsil naziri Emin Əmrullayevin sözlərinə görə, bu, bir neçə məktəbdə pilot kimi həyata keçiriləcək: "Sınaq uğurlu olsa, inkişaf üçün cəbhə yaranacaq. Bununla da məktəb muxtariyyəti və müəllimlər tərəfindən idarə olunması üçün yaxşı zəmin yaranacaq".
-
Ermənistanın baş naziri Nikol Paşinyan Böyük Britaniyada Azərbaycan prezidenti İlham Əliyevlə görüşdən imtina edib. Bunu Azərbaycan prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev "Report"a bildirib.
Rəy yaz