FHN-dən öz məlumatını təsdiq və ya təkzib etməsi xahiş olunub

“Kür” vətəndaş cəmiyyəti qərargahı FHN-in Azərbaycanın şimal-qərb rayonlarında zəlzələnin nəticələrinin aradan qaldırılması ilə bağlı ziddiyyətli bəyanatları ilə bağlı açıqlama vermək xahişi ilə fövqəladə hallar naziri Kəmaləddin Heydərova məktub göndərib.

“Kür” qərargahının koordinatoru Oqtay Gülalıyev Turan-a bildirib ki, noyabrın 23-də zəlzələ zonasında vəziyyətlə bağlı elan edilmiş hesabatdan sonra KİV-də FHN-ə istinadla qərargahın monitorinqinin nəticələrinə uyğun olmayan məlumatlar yayılıb. Qərargah bu ilin noyabr ayına qədər zəlzələ zonasında bir neçə evin və məktəbin istismara verildiyini bildirirdisə, nazirə yaxın KİV-lərdə FHN-ə istinadla 682 evdən bəhs ediblər.

Xüsusən, qərargah məktubda guya tikilmiş 682 evin sahibinin adını və ünvanını söyləməyi xahiş edir. Zaqatala rayonunda monitorinq aparan və Qax, Şəki və Balakən rayonlarından məlumat alan qərargahda olan məlumata görə, planlaşdırılan 3500 evdə ümumilikdə bir neçə ev tikilib.

Qərargah həmçinin hökumət tərəfindən zəlzələnin nəticələrinin aradan qaldırılması üçün ayrılmış 300 mln. manatdan FHN-in xərclədiyi 234,6 mln. manat haqqında məlumat istəyib. Bir müddət əvvəl FHN vəsaitin 72%-nin istifadə olunduğunu bildirib, işlər isə cəmi 22% həyata keçirilib.

Bizi damsız qalan insanların qışı harada keçirəcəyi, onlara kirayə ödəmək üçün vəsait və ya hər-hansı kompensasiya ödənilib-ödənilmədiyi, uşaq bağçalarının haraya köçürüldüyü və onların tutduqları evlərə icarə haqqı ödəyib-ödəmədiyi barədə suallar da maraqlandırır, deyə Gülalıyev bildirib. -0-