İcbari Sığorta Bürosunun üzvləri bütün mükafatların dörddə üçünü yığıb

İcbari Sığorta Bürosuna üzv şirkətlərin yanvar-oktyabrdakı minimal mükafat səviyyəsi 3,8 mln manat olub. Bu qurumun faydası odur ki, məsələn, «Meqa Sığorta» ötən il 1 noyabrı üçün olan 833,54 min manata qarşı bu il 3 mln 797,27 min manat mükafat yığıb və Büro üzvü olmayan daha yaxşı kapitallı rəqibləri keçib. 

İcbari Sığorta Bürosuna üzv şirkətlərin ümumi mükafatları 204 mln 312 min manat olub. Bu, ümumi yığımın (282 mln 143,74 min manat) 72,3%-dir. Ötən il bu şirkətlər cəmi 135,9 mln manat sığorta haqqı toplamışdı. 

Ödənişlərdə də eyni nisbət var – bütün sığorta hadisələri üzrə müştərilər 54,7 mln manat (bütün ödənişlərin 74,5%-i) ödəniş alıblar. 

İcbari Sığorta Bürosu 16 dekabr 2011-ci ildə yaradılıb. Hazırda 12 üzvü var. 

Büronun əsas funksiyası – kompensasiya ödəmələri həyata keçirmək və onların vasitəsilə bu kompensasiyaların ödəniləcəyi müəyyən maliyyə fondunu idarə etməkdir. Kompensasiyalar Büroya üzv olan sığorta şirkətləri müflisləşəcəyi təqdirdə ödəniləcək. 

Büronun maliyyə vəsaitləri üzvlük haqlarından, hər icbari sığorta növlərinə dair zəmanət depoziti, həmçinin sığorta şirkətlərinin hər ay büroya köçürəcəyi icbari növlərə görə ümumi mükafatların həcminin 5%-dən formalaşır. 

“İcbari sığorta növləri haqqında» qanun 4 icbari sığorta növünə şamil edilir. Bunlar avtonəqliyyat sahiblərinin mülki məsuliyyətinin icbari sığortası, daşınmaz əmlakın sığortası, daşınmaz əmlak istifadəsi zamanı mülki məsuliyyətin sığortası, sərnişinlərin sığortasıdır.

 Bu qanunun şərtlərinə görə, icbari sığorta növləri üzrə xidmətləri ancaq Büro üzvü olan sığorta şirkətləri təqdim edə bilər.  --17D—