FHN generalı fermeri qovub
Fövqəladə Hallar Nazirliyi (FHN) daşqın zamanı fermer Əmir Həsənova dəymiş zərərin ödənilməsi barədə 1 saylı İnzibati-İqtisadi Məhkəmənin qərarını yerinə yetirməkdən imtina edir.
Bu il sentyabrın 29-da fövqəladə hallar nazirinin müavini Niyazi Zamanov onun yanına şikayətə gələn Ə.Həsənovu öz kabinetindən qovub.
“General biləndə ki, FHN-i məhkməyə vermişəm məni qovdu”, - fermer Obyektiv.tv-yə bildirib.
Ə.Həsənov 2010-cu ildə Kür daşqını zamanı ziyan dəymiş səkkiz rayonun minlərlə fermerindən biridir.
İmişli rayonunda Ə.Həsənovun və digər fermerlərin əkin sahələri hökumətin Araz çayının məcrasının dəyişdirilməsi əməliyyatı zamanı su altında qalıb. Qısa zamanda bu işlərin yalnış aparıldığı məlum olub. Lakin nəticədə təsərrüfatların çoxuna ciddi ziyan dəyib, on minlərlə ha “təmizlənmiş” torpaq məmurlar tərəfindən mənimsənilib.
Ə.Həsənov dəfələrlə müxtəlif hakimiyyət orqanlarına şikayət edərək dəyən zərərə görə kompensasiyanın ona verilmədiyini bildirib. Halbuki, Nazirlər Kabineti dəfələrlə bu məqsədlə FHN-ə vəsait ayırıb.
Fermer 2,5 ha sahədə 300 ton çuğundur itkisinə məruz qalıb. Müqaviləyə görə, məhsul qənd istehsalı üzrə zavoda göndərilməli idi. Avqustun 27-də Dövlət Komissiyası 1,3 ha sahədə məhsul itkisini aktlaşdırıb ki, bu da 90 tona yaxın və ya 4,5 min manat edir.
Kompensasiya ala bilməyən Ə.Həsənov məhkəməyə müraciət edib və 7 min manatlıq iddia irəli sürüb. Bu ilin yanvarında 1 saylı İnzibati-İqtisadi Məhkəməsi FHN-in komissiyanın aktında qəbul olunmuş məbləği qismən ödəməsi barədə qərar çıxarıb.
General tərəfindən təhqir olunmuş Ə.Həsənov təslim olmaq niyyətində deyil və öz hüquqları uğrunda mübarizəni davam etdirəcək.
Xatırladaq ki, zərərin ödənilməsi üçün 2012-ci ilin martında prezidentin fərmanı ilə 50 mln manat ayrılıb, iyunda isə hökumət 100 milyon manat ayırıb. Ümumilikdə, daşqının nəticələrinin aradan qaldırılması üçün 500 mln. manat ayrılıb. Lakin korrupsiya və yeyinti səbəbindən bu vəsait zərərçəkənlərə çatmayıb.—0—
-
- İqtisadiyyat
- 1 Oktyabr 2012 13:38
-
- İqtisadiyyat
- 1 Oktyabr 2012 14:07
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz