![Fikrət Fərəməzoğlu 3 min manat alarkən saxlanılıb](https://turan.az/resized/750/500/resize/media/2016/main/070500161082.jpg)
Fikrət Fərəməzoğlu 3 min manat alarkən saxlanılıb
Xətai rayonunda yerləşən restoranlardan birinin sahibi Daxili İşlər Nazirliyinə (DİN) müraciət edərək jam.az saytının redaktoru Fikrət Fərəməzoğlunun ondan pul tələb etdiyini bildirib.
DİN-in mətbuat xidmətinin məlumatında deyilir ki, sahibkar bildirib ki, redaktor onun restoranı haqda tənqidi yazıları saytdan çıxarmaq üçün aprel ayında ondan 1000 manat alıb. Bundan sonra gələcəkdə tənqidi materialların yazılmaması üçün hər ay 5000 manat ödəməsini tələb edib.
Sahibkarın şikayəti əsasında aparılan yoxlama zamanı onun şikayəti təsdiqini tapıb və iyunun 30-da F.Fərəməzoğlu 3000 manat alarkən saxlanılıb.
Faktla bağlı Cinayət Məcəlləsinin 182-ci maddəsi ilə (hədə-qorxu ilə tələb etmə) cinayət işi başlanılaraq F.Fərəməzoğlunun barəsində həbs qətimkan tədbiri seçilib.
İstintaq müəyyən edib ki, F.Fərəməzoğlu ətrafına bir qrup şəxs toplayaraq çoxsaylı sahibkar və vəzifəli şəxslərin barəsində rüsvayedici məlumatlar yaymaq hədəsi ilə onlardan külli miqdarda pul alırmış.
Faktla bağlı istintaq-əməliyyat tədbirləri davam etdirilir.-02D-
-
- Cəmiyyət
- 5 İyul 2016 10:46
-
- İqtisadiyyat
- 5 İyul 2016 11:06
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz