Bakı/24.05.19/Turan: Dünən Moskvada saxlanılmış jurnalist Fuad Abbasovun hüquqlarının müdafiəsinə yeni vəkil - "Avropa-Asiya" Moskva Vəkillər Kollegiyasının sədri Teyyub Şərifov da qoşulub.
Turan-ın müxbiri ilə söhbətində o bildirib ki, dünən jurnalistin ittiham olunduğu RF miqyasiya qanunvericiliyinin pozulması ilə əlaqədar həbs edilməsindən apellyasiya şikayəti yazıb.
Vəkilin sözlərinə görə, jurnalistin ittiham olunduğu hüquqpozma əsassızdır.
Fuad Abbasovun 2023-cü ilə qədər RF ərazisində qalmasına imkan verən icazə sənədi var idi.
Amma sənəd ləğv edilib, Abbasovun özünə isə bu barədə məlumat verilməyib.
Vəkilin sözlərinə görə, Abbasov saxlanıldıqdan sonra ona ifadəsinin hazır mətnini təqdim ediblər. Lakin Abbasov onu imzalayarkən məzmunu ilə razı olmadığını qeyd edib.
Müdafiəçi dindirmə zamanı jurnalistə təzyiq göstərildiyi ehtimalını istisna etmir. "Mayın 16-da Ximkinsk şəhər məhkəməsində işə operativ baxılması məni təəccübləndirir", deyə vəkil bildirib.
Apellyasiya şikayətinə baxılması başa çatana qədər Abbasov deportasiya edilə bilər? Bu suala vəkil inkar cavabı verib.
* Jurnalist Abbasov 2015-ci ildə Rusiya telekanallarında tok-şoularda Türkiyədə Rusiya hərbi təyyarəsinin vurulması barədə müzakirələrlə bağlı çıxışları ilə geniş ictimaiyyət arasında məşhurlaşıb.
Abbasovu Türkiyənin İhlas agentliyinin müxbiri kimi Türkiyənin mövqeyini açıqlamaq üçün dəvət edirdilər.
Sonradan Abbasov Azərbaycanla bağlı məsələlərə həsr olunmuş tok-şoularda da iştirak edib.
Son zamanlar Abbasov azərbaycanlıların bəzi diaspor təşkilatlarını həmvətənlərinin maraqlarını kifayət qədər qorumadıqlarına görə tənqid edirdi, onları ermənilərlə əməkdaşlıqda ittiham edirdi və RF-də Azərbaycanlıları partiyasının yaradılacağının anonsunu verirdi. -06D-
Cəmiyyət
-
"Koroğlu" metrostansiyasının cənub çıxışında nəqliyyat mübadilə mərkəzi yaradılması ilə bağlı Azərbaycan Yerüstü Nəqliyyat Agentliyi (AYNA) tərəfindən layihə hazırlanaraq Nəqliyyatı Əlaqələndirmə Şurasına təqdim olunub və müvafiq qaydada razılaşdırılıb.
-
Mayın 3-də Bakıda və Abşeron yarımadasında temperaturun aşağı düşəcəyi və havanın yağıntılı olacağı gözlənilir. Sinoptiklərin proqnozuna görə, cümə günü axşam yağış yağacağı gözlənilir. Güclü şimal-qərb küləyi əsəcək.
-
Mayın 1-də ABŞ Maliyyə Nazirliyinin açıqladığı sanksiya siyahısında 60 şirkətin adları var və Rusiya ilə yanaşı Azərbaycan, Belçika, Çin, Birləşmiş Ərəb Əmirlikləri (BƏƏ), Slovakiya və Türkiyə şirkətləri də sanksiyalar altına düşüb.
-
Azercell-in həssas qadın qrupları üçün təşkil etdiyi təlimlər davam edir Azercell və “Ümidli Gələcək” İB-in “Gələcəyi öz əllərinlə yarat” layihəsi çərçivəsində növbəti təlim baş tutub. “Təmiz dünya” Qadınlara Yardım İctimai Birliyinin sığınacağında keçirilmiş təlimə yetkin qadınlarla yanaşı həm də yeniyetmə və gənc qızlar qatılıb. Təlimdə Azercell Akademiyasının mütəxəssisləri iştirakçılara “yumşaq bacarıqlar” - daxili motivasiya, ünsiyyət, empatiya, emosional zəka barədə məlumat veriblər. Qadın sığınacağının sakinləri isə öz növbələrində hədəfləri, karyera və təhsil planları barədə mütəxəssislərdən tövsiyələr alıblar.
Rəy yaz