Bakı/20.07.17/Turan: "Azеrtelekom" MMC-yə yeni rəhbər təyin edilib. Fuad Allahverdiyev İKT sektorunda tanınmış mütəxəssisdir, İT-strukturlara rəhbərlik edib, uğurlu layihələrin müəllifidir. Bu barədə "Multimedia" ictimai təşkilatının rəhbəri Osman Gündüz bildirib.
"Belə görünür ki, "Azеrtelekom" "Delta-Telecom"u Azərbaycan bazarında sıxışdırır. Əgər bir neçə ilə öncə "Azеrtelekom" ölkənin 10% İnternet-bazarında fəaliyyət göstərirdisə, hazırda bu şirkətin fəaliyyəti 30-35%-dək artıb", - ekspert hesab edir.
Fuad Allahverdiyevin əvvəlki uğurlu işlərini bilərək şirkətin bugünkü göstəricilərinin artmasını gözləmək olar.
Qeyd edək ki, son illər Azərbaycanda İKT sektorunda ilk postlara yerli mütəxəssislər təyin olunur. Azərbaycan İKT-şirkətlərinin xarici rəhbərləri isə özlərinə böyük qonorarlar yazmaq və öz öhdəliklərinə laqeyd yanaşmaqla məşguldur", - O.Gündüz bildirib.
"Azertelekom" MMC Azərbaycanda rabitə telekommunikasiya operatorudur. Şirkət 2008-ci ildə beynəlxalq telefon rabitəsi, İnternet, həmçinin məlumatların ötürülməsi və səsli rabitə vasitəsilə rabitə bazarında fəaliyyətin həyata keçirilməsi məqsədilə yaradılıb.
"Azertelekom" şirkətlər şəbəkəsi Azərbaycanı şimal və cənubda, qərb və şərqdə qonşuları ilə, Rusiya, Gürcüstan və İranla birləşdirir.
"Аzertelekom"un səhmdarları: "Azerfon" (95%), "Aztelekom" (2,5%) və BTRIB-dir (Bakı Telefon Rabitə İstehsalat Birliyi) (2,5%).-0-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz