Noyabrın 11-də Nəsimi Rayon Məhkəməsi Azərbaycan Xalq Cəbhəsi Partiyasının (AXCP) fəalları Fuad Əhmədli və Faiq Əmirovun həbs müddətini 2 ay uzadıb. Onlar 2017-ci il yanvarın 12-nə qədər həbsdə qalacaqlar, bu barədə fəalların vəkilləri bildirib.
Vəkillər bu qərarlardan şikayət vermək niyyətindədirlər.
Əhmədli və Əmirov bu ilin avqustunda ABŞ-da yaşayan türk ilahiyyatçı Fətullah Gülənin tərəfdarı olduğu ehtimal olunan şəxslərə qarşı cinayət işi çərçivəsində həbs olunublar. Türkiyə hakimiyyəti onu 2015-ci ilin iyulunda hərbi çevriliş cəhdində və terrorçuluqda ittiham edib, bundan sonra Azərbaycanın hüquq-mühafizə orqanları öz ölkələrində Gülənin "ortaqları"nı axtarmağa başlayıblar.
Müxalifətçilər dini ayrı-seçkilik salmaqda ittiham olunur.
Əmirov həmçinin "Azadlıq" qəzetinin maliyyə direktorudur.
"Sərhədsiz Reportyorlar" beynəlxalq hüquq müdafiə təşkilatı noyabrın 11-də Əmirovu müdafiə edən bəyanat yayıb. Təşkilat Əmirovun səhhətinin pisləşməsi ilə bağlı narahatlığını bildirib.
"Faiq Əmirov absurd ittihamla həbs olunub və müalicəyə ehtiyacı var. Bu hal Azərbaycanda insan hüquqlarının nə qədər ağır vəziyyətdə olduğunu göstərir. Biz Əmirovun səhhətinə görə narahatıq və onun dərhal azadlığa buraxılmasını tələb edirik", deyə bəyanatda bildirilir.
Sənəddə həmçinin qeyd edilir ki, Əmirovun həbsindən sonra hakimiyyət "Azadlıq" qəzeti üçün əlavə problemlər yaradıb və qəzet nəşrini dayandırmaq məcburiyyətində qalıb. İstintaq təkcə qəzet əməkdaşlarını deyil, həm də nəşrdə reklam və elan yerləşdirən şəxsləri dindirir. -06D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz