Açiq mənbələrdən foto.
Bakı/01.10.22/Turan: Sentyabrın 30-da Azərbaycanın Füzuli rayonunda mina partlaması nəticəsində iki mülki şəxs həlak olub.
Sentyabrın 30-da axşam Füzuli Rayon Prokurorluğuna Amid Əsədov (1986-cı ildə anadan olub) və Çərkəz Quluzadənin (2007-ci ildə anadan olub) minaya düşməsi barədə məlumat daxil olub.
Baş Prokurorluğun mətbuat xidmətinin məlumatına görə, araşdırma zamanı müəyyən edilib ki, həmin şəxslər Füzuli rayonunun Yuxarı Dilağarda kəndində mina partlaması nəticəsində həlak olublar.
Füzuli Rayon Prokurorluğunda cinayət işi qaldırılıb, məlumatda deyilir.
Öz növbəsində Daxili İşlər Nazirliyinin mətbuat xidmətinin rəhbəri Ehsan Zahidov bildirib ki, həmin şəxslər Füzuli rayonunun Yuxarı Dilağarda kəndi ərazisini keçid-buraxılış məntəqələrindən yan keçməklə qanunsuz olaraq keçiblər. Nəticədə onlar Ermənistan Silahlı Qüvvələri tərəfindən basdırılmış minaya düşərək həlak olublar, Daxili İşlər Nazirliyinin nümayəndəsi bildirib.
O təəssüflə qeyd edib ki, mina təhlükəsilə bağlı dəfələrlə xəbərdarlıq edilməsinə baxmayaraq, bəzi vətəndaşlar hələ də Azərbaycanın işğaldan azad edilmiş ərazilərinə qanunsuz keçməyə davam edirlər. 06B
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz