Güney Azərbaycan Milli Oyanış Hərəkatı (GAMOH) Azərbaycanın iki yazarının İranda saxlanmasını pisləyən bəyanat yayıb.
Müəlliflər bunu Azərbaycan müstəqil olduqdan bu yana İranın düşmənçiliyinin nümunəsi adlandırıb.
Azərbaycanın iqtisadi siyasi və hərbi güclənməsinə İranın xor baxması, son aylarda düşmənçilik siyasətini daha qabarıq şəkildə üzə çıxarması qeyd edilir.
Bakıda keçirilən “Eurovision” müsabiqəsinə İranın təpkisi qərəzli düşmənçiliyin bir ayrı nümunəsi sayılır. Müəlliflərə görə İran yazıçıları tərəfindən Təbrizə dəvət olunan iki gənc şairin saxlanması, onlara qarşı işgəncə, təzyiq insanlığa və beynəlxalq hüquqa zidd sayılır.
GAMOH İranın bu addımını pisləyir və saxlanılan iki yazarın dərhal azadlığa buraxılmasını tələb edir. İranın Güney Azərbaycanın mədəni fəallarından ehtiyatlandığı üçün onları casusluqda ittiham edərək uzun müddətli həbsə məhkum etmək məqsədi güddüyü deyilir. Təbrizə səfər edən şairlərə casusluq ittihamı İranın insanlıqdan uzaq dövlət olmasının göstəricisi sayılır.
Son olaraq, müəlliflər rəsmi Tehrandan heç bir günah yiyəsi olmayan gənc yazarları azad etməyi tələb edir.
Azərbaycan yazarları Fərid Hüseyn və Şəhriyar Hacızadə aprelin 29-da İranda şer festivalına dəvət olunublar. Mayın 2-dən qanunsuz saxlanılıblar və indiyə kimi azad edilməyiblər. -05D-
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz