Açiq mənbələrdən foto.
Gəncədə AXCP fəalına qarşı narkotik maddələrin qanunsuz dövriyyəsi ittihamı irəli sürülüb
Bakı/31.05.22/Turan: Mayın 28-də Gəncədə saxlanılan Xalq Cəbhəsi Partiyasının fəalı Razi Alışova qarşı narkotik maddələrin qanunsuz dövriyyəsi ittihamı irəli sürülüb. Mayın 30-da məhkəmə onu 2 ay müddətinə həbs edib. Bu barədə Turan-a AXCP-dən bildiriblər.
Partiyada hesab edirlər ki, fəal siyasi fəaliyyəti ilə əlaqədar uydurma ittihamla təqib edilir. AXCP-dən həmçinin Alışovun hakimiyyətin AXCP və "Müsəlman Birliyi" Hərəkatının fəallarının əməkdaşlığına mane olmaq məqsədilə sosial şəbəkələrdə saxta profillər yaratmaqla və müxalifətçilərin hesablarını oğurlamaqla törətdiyi təxribatı ifşa etdiyinə diqqət çəkiblər.
AXCP Alışovun müdafiəsinə müstəqil vəkil cəlb etməyi planlaşdırır. Vəkil ilk iş olaraq apellyasiya şikayəti verəcək.
DİN-in mətbuat xidmətindən Alışova qarşı CM-in 234.2-ci (narkotik vasitələrin qanunsuz yolla əldə edilməsi və ya satış məqsədilə saxlanması) maddəsi ilə ittiham irəli sürüldüyünü və onun həbs edildiyini təsdiq ediblər. Amma DİN 3 ildən 7 ilədək həbs cəzası gözləyən Alışovun siyasi motivlərlə təqib edildiyini təkzib edir. -06В-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz