Gənclər cəmiyyətə təkliflər verirlər
“Gənclər Məclisi” (GM) bazar ertəsi keçirilən toplantısında bir sıra təkliflərlə çıxış edib. Bu haqda Turan-a GM-dən məlum olub.
Məclis siyasi partiyalara internet saytlarını yaratmaq, gündəlik informasiyalarla yanaşı, partiyaların Nizamnamə və Məramnamə kimi rəhbər sənədlərinin saytda əksini tapması təklifi ünvanlayıblar. Partiyalara sosial şəbəkələrdə fəallığı artırmaq təklifi verən gənclər bu yolla partiyaların cəmiyyətin marağına səbəb ola biləcəklərini iddia edirlər.
Gənclər QHT-ləri bölgələrdə fəallaşmağa çağırırlar, onların fikrincə, rayonlarla işləyən QHT-lər çox azdır, fəaliyyətləri hiss olunmur. QHT-lərin rayonlarda aktivləşməsinin aktivliyi artıracağı, vətəndaşlıq ruhunu yüksəldəcəyi, insanların ictimai-siyasi proseslərdə yaxından iştirak edəcəyi iddia olunur.
Vətəndaşların şikayətlərini aidiyyati orqanlara verməklə bağlı maarifləndirilməyə ehtiyacı olduğu vurğulanır. QHT-lər vasitəsilə qaynar şəbəkə yaradılması, hər bir vətəndaşa hüquqi yardım göstərilməsi təklif edilir.
Dövlət qurumlarına edilən şikayətlərə lazımi diqqət yetirilməməsinin narahatlıq yaratdğı qeyd edilir. Vətəndaşlara dövlət qurumlarının “qaynar xətlərinə” mütəmadi zənglər etmələri, e-maillər-inə məktublar yazmaları tövsiyə edilir. Vətəndaşlar dövlət qurumlarında problemlərinə necə baxılmasını sosial şəbəkələrdə paylaşmaqla ictimailəşdirməyə çağırırlar. Vətəndaşa qarşılaşdığı problemi dərhal aidiyyati qurumlara, onlayn müraciət mərkəzlərinə bildirmək, beləliklə, aidiyyati qurumları məsələyə reaksiya vermək məcburiyyətində qoymaq tövsiyə olunur.
Cəmiyyətdəki neqativ halları aradan qaldırmaq üçün “beyin mərkəzləri” yaradılmasının vacibliyini bildirən GM yaxın günlərdə bu məsələyə dair təkliflərini açıqlayacağını nəzərə çatdırır.
Gənclər Məclisi noyabrın əvvəllərində ölkənin 50-yə yaxın fəal gənci tərəfindən yaradılıb, Məclisin məqsədi ölkədə ictimai-siyasi, sosial-iqtisadi sahədə maarifləndirmə işi aparmaqdan ibarətdir. -05D-
-
- İqtisadiyyat
- 19 Noyabr 2012 16:14
-
- İqtisadiyyat
- 19 Noyabr 2012 16:40
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz