![Gənclər insanları vicdanlı olmağa çağırdılar](https://turan.az/resized/750/500/resize/media/2012/main/071300005373.jpg)
Gənclər insanları vicdanlı olmağa çağırdılar
“Gələcək” ictimai birliyi cümə günü Sumqayıtda “Vicdanımı satıram” aksiyası keçirib. Bu xəbər Turana birliyin rəhbəri Atilla Caviddən daxil olub.
O qeyd edib ki, aksiyanın keçirilməsində əsas məqsəd cəmiyyətdəki sosial ədalətsizliyin ictimailəşdirilməsidir. Cəmiyyətin müxtəlif sahələrində insanların şəxsi və ya vəzifə səlahiyyətlərindən birbaşa və ya dolayısı ilə istifadə edərək bir-birinə ədalətsiz davrandığı vurğulanır. İnsanların şəxsi maraqlarını cəmiyyət maraqlardan çox üstün tutması məqbul sayılmır. Birlik bu cəhətin demokratik cəmiyyətin formalaşmasında təməl prinsiplərdən biri olan ədalətlilik prinsipini pozması adlandırır. Gənclərə görə, durumun belə arzuolunmaz şəkildə inkişafı cəmiyyətin demokratikləşmə yolunda inkişafına böyük maneələr yaradır.
Əsasən liberal gənclərdən ibarət olan birlik bunun əleyhinə olduqlarını, demokratikləşməyə töhfələrini vermək istədiklərini bildirirlər.
Problemə bu şəkildə etiraz etməklə, birlik sosial durumundan asılı olmadan bütün insanları ədalətli olmağa, şəxsi azadlıqlara və ən əsası demokratiyanın təməl prinsiplərinə hörmət və əməl etməyə çağırırlar.
“Gələcək” ictimai birliyi 2008-ci ildə təsis edilib. Dövlət qeydiyyatına alınmayıb, Təşəbbüs Qrupu şəklində fəaliyyət göstərir. Sumqayıtda təsis edilsə də Şəki, Bərdə, Lənkəranda bölmələri var. Liberal baxışlı 70-ə yaxın gənc bilik ətrafında birləşir. Birliyin rəhbəri Atilla Cavid Neft Akademiyasının məzunudur. -05B-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz