Azərbaycanda sosial müavinət verilməsi proseduru sadələşdiriləcək.
Əmək və Əhalinin Sosial Müdafiəsi Nazirliyində bu ilin birinci yarım ilində görülən işlərin və qarşıda duran vəzifələrin müzakirəsinə həsr olunan geniş kollegiya iclasında nazir Füzuli Ələkbərov deyib ki, aztəminatlı ailələr, əmək qabiliyyətinin bərpası mümkün olmayan I və II qrup əlillər ömürlük müavinət alacaq və hər il onu təsdiq etməyəcək.
Nazirin sözlərinə görə, bu təşkilatın bütün istiqamətlərinə yenidən baxılacaq və standartlara uyğunlaşdırılacaq. Bu günkü ünvanlı sosial yardım mexanizmi səmərəlidir. Amma aztəminatlı ailələr əmək potensialından asılı olmayaraq, ünvanlı sosial yardıma vərdiş edib və bəziləri öz əməyi ilə qazanmaq istəmir. Ona görə potensilaı olanlar işlə təmin edilməlidir, - deyə nazir düşünür. O, “Özünədəstək” - birdəfəlik ünvanlı sosial yardım proqramının tətbiqindən danışıb.
Nazir məlumat verib ki, ünvanlı sosial yardım alanların 49%-i çoxuşaqlı ailələrdir və ünvanlı sosial yardım alanların üçdə biri “Özünədəstək” proqramına cəlb edilib. Yenilik pensiyaçı və əmək qabiliyyəti olmayanlara aid deyil.
Ələkbərov deyib ki, nazirlik sentyabrda yoxlamaların nəticələrini elan edəcək. Nöqsanlara yol verən vəzifəli şəxslər cəzalandırılacaq, - deyə nazir bildirib. --17D—
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz