Bakı/07.08.18/Turan: İyunun 7-də Bakı aeroportunda gömrükçülər Demokratik Qüvvələrin Milli Şurasının sədri, professor Cəmil Həsənlinin ABŞ-ın Harvard Universiteti tərəfindən ingilis dilində dərc edilmiş "Stalin və soyuq müharibənin Türkiyə böhranı" kitabının 4 nüsxəsini saxlayıb. Bu barədə Turan-a Həsənli özü bildirib.
Monoqrafiyada 1945-1953-cü illərin siyasi prosesləri araşdırılıb, kitab dəfələrlə müxtəlif dillərdə dərc edilib və kitabların gömrükdə saxlanmasının səbəbi aydın deyil.
Həsənli qeyd edib ki, kitab ilk dəfə 2011-ci ildə dərc edilib. Oxucuların tələbi yüksək olduğuna görə 2013-cü ildə kitab yenidən dərc edilib. Bundan başqa, kitab rus dilində Moskvada və Ankarada da dərc edilib.
Kitabın nüsxələri, o cümlədən ingilis dilində nüsxələr artıq Azərbaycana göndərilib və ölkənin əsas kitabxanalarının fondlarında var.
Hazırki 4 nüsxəni naşir müəllifə sürətli poçtla göndərib. Normal vəziyyətdə kitablar onun evinə çatdırılmalı idi. Amma onları Bakı aeroportunun karqo terminalında "həbs ediblər".
Alim aeroporta gəldikdə və izahat istədikdə ona bildiriblər ki, kitabın məzmunu "tədqiq ediləək", ondan sonra onları buraxıb-buraxmayacaqlarına qərar verəcəklər.
Müəllif gömrükdə ingilis dilində 500 səhifəlik kitabı tədqiq edib rəy verə biləcək mütəxəssis tapılacağına şübhə etdiyini bildirib.
"Hesab edirəm ki, baş verənlər Azərbaycanda avtoritar, totalitar sistem qurulmasının daha bir əlamətidir. Onlar elmdən, ədəbiyyatdan, real tarixdən qorxurlar. Onlar Qərbdən daxil olan kitablara şübhə ilə yanaşırlar", deyə Həsənli bildirib.
Dövlət Gömrük Komitəsindən şərh almaq mümkün olmayıb. -06D-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz