Bakı/01.07.17/Turan: Azərbaycan-Gürcüstan sərhədindəki Tovuz Gömrük İdarəsinin Sadıxlı Gömrük Postunun (Ağstafa rayonunun Sadıxlı kəndində yerləşir) rəisi Mehmandar Həsənovun istintaqa cəlb edilməsi barədə mediada məlumatlar yayılıb.
Məlumatlarda deyilir ki, Sadıxlı Gömrük Postunda Dövlət Təhlükəsilzik Xidmətinin əməkdaşları əməliyyat keçirib. M.Həsənovun avtomobilindən 100 min, Ağstafadakı evindən 800 min dollar götürülüb.
Mehmandar Həsənov Milli Məclisin deputatı Məlahət İbrahimqızının qardaşıdır.
Məlahət İbrahimqızı Turan agentliyinə yayılan məlumatları təkzib edib.
"Yayılan məlumatlar tam yalandır, böhtandır, sifarişlidir. Mənim qardaşımla bağlı hər hansı əməliyyat keçirilməyib və o saxlanılmayıb. O, öz iş yerindədir. Dövlət Təhlükəsizlik Xidmətinin guya əməliyyat keçirməsi ilə bağlı yalan məlumat yaymaq isə qəbuledilməzdir", deyə Milli Məclisin deputatı Məlahət İbrahimqızı Turan-ın müxbirinə bildirib.
Öz növbəsində, rəsmi qurumlar hələ məlumata münasibət bildirməyib. -03B-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz