Bakı/03.06.20/Turan: Azərbaycan gömrükçüləri İrandan Azərbaycan ərazisilə Ukraynaya gedən yük avtomobilində böyük partiya heroin qaçaqmalçılığının qarşısını alıblar.
“Astara” gömrük postunda Azərbaycan vətəndaşı Allahverdi Məmmədovun idarə etdiyi “Mercedes-Benz” markalı yük maşını saxlanılıb.
Avtomobil İran Astarasından Xarkova qovun aparırmış. Bu barədə Dövlət Gömrük Komitəsinin mətbuat xidməti məlumat yayıb.
Xidmət itinin yükə reaksiya verməsindən sonra qovun yeşikləri avtomobildən boşaldılıb. 720 yeşikdə “ikinci dib”, onun altında isə 526 bağlama aşkar edilib. Bağlamalarda 545,1 kiloqram heroin olub.
Nəqliyyat vasitəsinin sürücüsü A.Məmmədov CM-in 206.3.2 (qaçaqmalçılıq), 234.4.1 və 234.4.3-cü maddələri (külli miqdarda narkotik maddənin qanunsuz dövriyyəsi) ilə təqsirləndirilən şəxs qismində cəlb edilib.
Son üç gündə ölkənin gömrük orqanları 826 kq. heroin aşkar ediblər ki, onun qiyməti Avropada “qara bazar”da 50 milyon avronu ötür.-06В-
Cəmiyyət
-
Milli Hidrometeorologiya Xidməti 27 yanvar tarixində Azərbaycanın ərazisində dəyişkən hava şəraiti olacağını proqnozlaşdırır.
-
Fazil Qasımov, tanınmış alim Qubad İbadoğlu ilə birlikdə saxta pul hazırlamaqda ittiham olunan Azərbaycanlı iqtisadçı, iş üzrə digər təqsirləndirilən şəxs Anar Əliyevin, hüquq komandasını buraxmazsa, onu öldürməklə hədələdiyini iddia edib.
-
Bazar günü, yanvarın 26-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, gün ərzində bəzi yerlərdə arabir çiskinli yağış yağacağı gözlənilir. Şimal-qərb küləyi əsəcək.
-
Azərbaycanın İnformasiya və Kommunikasiya Texnologiyaları Agentliyi (İKTA) ölkədə fəaliyyət göstərən internet provayderlərinin (İSP) son reytinqini açıqlayıb. Reytinqdə provayderlər iki əsas meyara — istehlakçı şikayətlərinin sayına və müraciətlərə cavab vermə sürətinə görə qiymətləndirilib. Nəticələr isə ölkənin İSP-ləri arasında keyfiyyət baxımından ciddi fərqləri üzə çıxarıb.
Rəy yaz