Güclü yağış Bakının mərkəzində daşqına səbəb olub

Bazar günü axşam saatlarında yağan güclü yağış Bakının mərkəzi hissəsini iflic vəziyyətinə salıb. Şəhərin küçələri dağlardan gələn sel axınlarını xatırladırdı. Yollarda avtomobilin hərəkəti dayanıb, bir çox yerdə tıxac əmələ gəlib.

Fəvvarələr Meydanı, kitab pasajı və Nizami küçəsində kritik vəziyyət yaranıb. Belə ki, şəhərin yuxarı hissəsindən axan sular bura tökülüb. Piyadaların hərəkət etməsi mümkün olmadığından onlar su çəkilənə kimi mağazalarda, kafelərdə daldalanmalı olublar.

Şəhər xidməti növbəti dəfə təbiətin şıltaqlığına hazır olmadığını göstərib. Kanalizasiya sistemi su axınının öhdəsindən gələ bilməyib. Bəzi yerlərdə kanalizasiya lyuklarından su fontan vurub. 

FHN-in texnikası gözə dəyməyib.

Xoşbəxtlikdən yağış qısamüddətli olub.—06C--

https://www.youtube.com/v/DmWk5Ykt_uo?version=3&hl=ru_RU