Gürcüstan QHT-ləri Kobuletidəki hadisəni islamofobiya adlandırıblar
Tbilisi/11.09.14/Turan-BSPRESS: Bir sıra Gürcüstan QHT-ləri kurrort şəhəri olan Kobuletidə (Acarıstan) baş vermiş insidenti islamofobiya adlandırıblar və hakimiyyəti ölkədə dini dözümsüzlük hadisəsinə qeyri-adekvat reaksiyada ittiham ediblər.
Çərşənbə günü bir qrup yerli sakin Kobuletidə mədrəsə açılmasına etiraz edərək, binanın qapılarına donuz başı mıxlayıblar.
“Son vaxtlar müsəlmanların sıxışdırılması və təqibi faktları sistemli xarakter alıb ki, bu da dövlətin dözümsüzlük səbəbindən törədilmiş cinayətlərə səmərəsiz və qeyri-adekvat reaksiyasının nəticəsidir”, deyə onlarla Gürcüstan QHT-sinin sentyabrın 11-də yaydığı birgə bəyanatda qeyd edilir.
“Azlıqların hüquqlarının kobud şəkildə pozulmasında özünü göstərən dini azlıqlara qarşı çox vaxt ayrı-seçkilik siyasəti həyata keçirən yerli rəhbərliyin və ictimai şəxslərin əməlləri qəzəb doğurur”, deyə bəyanatda bildirilir.
“Biz müvafiq tədbirlər görülməsi üçün ölkə rəhbərliyinə müraciət edirik”, deyə bəyanatda qeyd edilir.
Kobuletidəki insidentlə əlaqədar Gürcüstan CM-in 151-ci (həyatdan məhrumetmə və ya sağlamlığa ziyan vurma, yaxud əmlakın məhv etmə hədəsi) maddəsi ilə cinayət işi açılıb. Bu cinayətə görə cərimə və ya 120 saatdan 180 saata qədər ictimai işlər, yaxud 1 ilə qədər azadlıqdan məhrumetmə cəzası nəzərdə tutulur. -02D-
-
- Cəmiyyət
- 11 Sentyabr 2014 17:56
-
- Sual-cavab
- 11 Sentyabr 2014 19:15
Cəmiyyət
-
Baş Prokurorluq Kənd təsərrüfatı mallarının ixracı ilə əlaqəli olan və bundan əldə olunan vəsaiti ölkəyə qaytarmayan vəzifəli şəxslərin növbəti qrupunun "ifşa" edildiyini bildirib.
-
Oktyabrın 26-da saat 04:35-də Azərbaycandan Rusiya istiqamətində hərəkət edən yük qatarının vaqonunda yüklərin arasında gizlənərək dövlət sərhədini qanunsuz keçməyə cəhd göstərən şəxs Dövlət Sərhəd Xidməti əməkdaşlarının sayıqlığı nəticəsində saxlanılıb.
-
Oktyabrln 28-də səhər güclü yağıntı nəticəsində Bağırov köprüsünü su basıb. Nəticədə Heydər Əliyev prospektində nəqliyyatın hərəkətində tıxac yaranıb, avtomobil sürücüləri bildiriblər.
-
Səhər saat 11:00-da paytaxtda güclü leysan yağmağa başlayıb və günün ikinci yarısına qədər davam edəcək, sinoptiklər bildiriblər.
Rəy yaz