адвокат Асабали Мустафаев
Həbs edilmiş blogerin səhhəti pisləşib
Bakı/13.12.17/Turan: İnzibati qaydada həbs edilənlərin saxlanma məntəqəsində saxlanılan bloger Namiq Sadıqlının səhhəti kəskin şəkildə pisləşib, bu barədə Turan-a onun vəkili Əsabəli Mustafayev bildirib.
Onun sözlərinə görə, son günlər ona 4 dəfə "təcili yardım" çağırılıb və bir dəfə hətta şəhər klinik mərkəzinə aparılıb.
Fəal bildirib ki, həkimlər onu xəstəxanada saxlamaq istəyiblər, amma hüquq-mühafizə orqanlarının nümayəndələri buna icazə verməyiblər və o, təcridxanada müalicə alır.
Sadıqlı soyuqdəymədən, güclü daxili ağrılardan şikayət edirdi. Amma onu saxlanma məntəqəsinə tez qaytardıqlarına görə dəqiq diaqnoz qoyulmayıb.
Səhhətindəki problemlərə baxmayaraq, Sadıqlı ruh yüksəkliyini qoruyub saxlayır və həmkarlarına salam göndərib.
Vəkil həmçinin Sadıqlının həbsi ilə bağlı apellyasiyaya baxılmasının əsassız olaraq uzadıldığını bildirib.
Mustafayev hələ dekabrın 6-da Nəsimi rayon məhkəməsinə şikayət verib. Qanuna görə birinci instansiya məhkəməsi dərhal şikayəti Apellyasiya Məhkəməsinə göndərməli idi. Apellyasiya Məhkəməsi şikayət daxil olduqdan sonra bir gün ərzində ona baxmalıdır. Amma artıq bir həftə keçib.
Vəkil hazırda apellyasiyanın harada olduğunu bilmir.
Nəsimi rayon məhkəməsinin qərarı ilə Xalq Cəbhəsi Partiyasının fəalı, bloger Namiq Sadıqlı dekabrın 1-də polisin qanuni tələblərinə tabe olmamaq ittihamı ilə (İnzibati Xətalar Məcəlləsinin 535.1-ci maddəsi) 30 gün müddətinə həbs edilib. Partiya nümayəndələri siyasi motivlərlə təqib edildiyi qənaətindədirlər. -06D-
-
- İqtisadiyyat
- 13 Dekabr 2017 15:13
-
- İqtisadiyyat
- 13 Dekabr 2017 15:40
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz