Bakı/01.06.18/Turan: Məhbus Vüqar Allahverdiyev həbsxanada olarkən digər məhbusların qohumlarına onların adını əvf siyahısına salmağı vəd etməklə fırıldaqçılıq törədib.
Əvf Komissiyasının və Baş Prokurorluğun birgə məlumatında deyilir ki, Vüqar Allahverdiyev 3 və 7 saylı cəzaçəkmə müəssisələrində cəza çəkdiyi dövrdə telefon danışığı hüququndan istifadə edərək, digər məhbusların yaxınlarına zəng edib və pul müqabilində onların adını əvf olunacaqların siyahısına daxil etməyi vəd edib.
Beləliklə, istintaqın hələ müəyyən etmədiyi şəxslər vasitəsilə o, vətəndaşlar Kəmalə Quliyevadan 3000 manat, Firdovsi Məmmədovdan 2500 manat, Namiq Həsənovdan 3000 manat alıb və İradə Məlikovadan 1500 manat almağa çalışıb.
Faktla bağlı CM-in dörd maddəsi üzrə (fırıldaqçılıq, rüşvət vermə və s.) cinayət işi açılıb. -06D-
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz