H.Əliyevin abidəsinin postamentindəki yazının müəllifləri narkotik ticarətində ittiham olunublar (YENİLƏNİB)
Mayın 12-də Xətai rayon məhkəməsi NİDA gənclər hərəkatının fəalı Bayram Məmmədovu 4 ay müddətinə həbs edib. Ona qarşı 234.4.1-ci (əvvəlcədən sövdələşmə yolu ilə və ya mütəşəkkil qrup tərkibində qanunsuz narkotik dövriyyəsi) və 234.4.3-cü (böyük ölçüdə narkotik maddələrin qanunsuz dövriyyəsi) maddələri ilə ittiham irəli sürülüb. Bu barədə Turan-a vəkil Elçin Sadıqov bildirib.
Onun sözlərinə görə, Məmmədov məhkəmədə bildirib ki, Bakı şəhər Polis İdarəsində və Nərimanov rayon təcridxanasında o, işgəncələrə və qeyri-insani rəftara məruz qalıb.
Məmmədov ona qarşı irəli sürülmüş ittihamı təkzib edərək, həbsin əsl səbəbinin Heydər Əliyevin abidəsinə yazı yazması olduğunu bildirib.
Müdafiə tərəfi məhkəmənin qərarından apellyasiya şikayəti verəcək. Sadıqovun sözlərinə görə, elə bu gün həmin iş üzrə saxlanılmış Qiyas İbrahim də məhkəmə qarşısına çıxarılacaq. -16D-
2016 May 12 (Cümə axşamı) 14:29:54
DİN külli miqdarda narkotik maddə alverçilərinin tutulduğunu bildieib. Onlar NİDA Hərəkatının gənc fəalları Bayram Məmmədov və Qiyas İbrahimovdur.
DİN-in məlumatına görə, Sabunçuda yaşayan Bayram Məmmədovdan 2,904 qr. heroin, evinə baxış zamanı isə əlavə olaraq 1,15 kq heroin aşkar edilərək götürülüb.
Nəsimi rayonunda yaşayan Qiyas İbrahimovdan isə 2,607 qr. heroin, mənzilinə baxış zamanı isə 1,01 kq heroin aşkar edilərək götürülüb.
Saxlanılan şəxslərin vəkili Elçin Sadıqov gənclərin yanına buraxılmayıb. Onlar Nərimanov Rayon Polis İdarəsinin 12-ci bölməsində saxlanılır.
“Onları müvəqqəti saxlama yerinin həyətini süpürməyə məcbur ediblər. Mən buna etiraz edəndə məni oradan çıxardılar və danışmağa imkan vermədilər”, - vəkil Turan-a bildirib.
NİDA-nın bəyanatına görə, hər iki gənc mayın 10-na keçən gecə Heydər Əliyevin Mərkəzi Bankın qarşısındakı abidəsinin postamentinə etirazçı şüarlar yazdıqlarına görə saxlanılıb.
Külli miqdarda narkotik maddənin saxlanmasına görə gəncləri 12 ilədək həbs cəzası gözləyə bilər.-16d--16В-
Cəmiyyət
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
-
Talış tarixinin tədqiqatçısı, həbsdə olan İqbal Əbilovun "Fraqmentlər" adlı qısametrajlı filmi daha bir beynəlxalq kinofestivalda ən yaxşı filmlər siyahısına daxil edilib.
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
Rəy yaz