ATƏT MQ-nin həmsədri olan ölkələrin XİN rəhbərlərinin iştirakı ilə Əliyev-Sarkisyan görüşü keçiriləcək
RF XİN rəhbəri Sergey Lavrov ABŞ və Fransa xarici işlər idarələrinin rəhbərləri Con Kerri və Jan-Mark Eyro ilə birlikdə Azərbaycan və Ermənistan prezidentləri İlham Əliyev və Serj Sarkisyanın mayın 16-da Vyanada keçiriləcək görüşündə iştirak etmək niyyətindədir. Bu barədə cümə axşamı RF XİN-in rəsmi nümayəndəsi Mariya Zaxarova bildirib.
“Gələn həftə Vyanada Ermənistan və Azərbaycan prezidentlərinin görüşü planlaşdırılır. Görüşdə ATƏT-in Minsk Qrupunun həmsədri olan ölkələrin – Rusiya, ABŞ və Fransanın xarici işlər nazirlərinin də iştirakı planlaşdırılır”, deyə o bildirib.
Zaxarova qeyd edib ki, söhbət məhz planlardan gedir. “Dəqiq razılaşma əldə olunduqda və vaxt müəyyən olunduqda biz məlumat verəcəyik”, deyə o bildirib. RF XİN-in rəsmi nümayəndəsi əlavə edib ki, Rusiya görüşün regionda vəziyyətin yaxşılaşdırılmasına şərait yaradacağına ümid edir.
Qeyd edək ki, rəsmi Bakı və Yerevan bu məlumatı təsdiq etməyiblər.
Ermənistan tərəfi indiyədək belə bir görüş imkanını qəti şəkildə inkar edir, təhlükəsizliyə, döyüş əməliyyatlarının bərpa olunmamasına zəmanət və Dağlıq Qarabağın danışıqlarda iştirakını tələb edirdi.
Bakı ermənilərin işğal edilmiş əraziləri azad etməyə razılaşması şərti ilə danışıqları mümkün hesab edir. -02D-
-
- Cəmiyyət
- 12 May 2016 16:53
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz