Heydər Əliyevin abidəsini yazan gəncin məhkəməsində
Cümə axşamı Bakı Ağır Cinayətlər Məhkəməsində NİDA Hərəkatının fəalı, qanunsuz narkotik maddə dövriyyəsində ittiham olunan Bayram Məmmədovun işi üzrə proses davam edib. B.Məmmədov özü ittihamı rədd edərək bildirir ki, Heydər Əliyevin abidəsinin üzərinə yazı yazdığına görə həbs olunub.
İclasın əvvəlində məhkəmə zalında işıqlar sönüb. Bununla bağlı B.Məmmədov replika atıb: Bu, rəmzi məna daşıyır. Çünki Azərbaycan gəncliyi zülmətə qərq olunub”. O, söz istəyib, lakin hakim Eynulla Vəliyev imtina edib.
Sonra Sabunçu Polis İdarəsinin 12-ci bölməsinin əməkdaşı Yusif Ələsgərov şahid kimi çıxış edib. O bildirib ki, B.Məmmədov saxlanılarkən onun üzərindən narkotik maddə aşkar edilib və gənc bildirib ki, narkotik maddənin bir hissəsi evdədir.
B.Məmmədov deyib ki, onu saxlayanlar arasında Y.Ələsgərov olmayıb. O, rəisin kabinetində B.Məmmədovu döyən 7-8 nəfərin arasında olub.
Vəkil Elçin Sadıqov əməliyyat qrupunun rəhbəri, Bakı polisinin əməkdaşı Şirəli Babayevin və bu iş üzrə hal şahidləri Nizami Quliyev və İntiqam Kərimovun təkrar dindirilməsi barədə vəsatət qaldırıb.
Vəkil bunu onunla əsaslandırıb ki, ötən iclasda şahidlər bildiriblər ki, bu cür işə ilk dəfədir ki, cəlb olunublar. Lakin vəkil ittihamnamə aktından çıxarış təqdim edib. Həmin çıxarışda şahidlər N.Quliyev və İ.Kərimov Ş.Babayevin rəhbərliyi ilə keçirilən əməliyyat tədbirlərində dəfələrlə hal şahidləri olublar. Bu, hal şahidlərinin təsadüfü adamlar olması barədə istintaqın fikirlərini təkzib edir.
Lakin hakim vəsatəti təmin etməyib.
Digər şahid gəlmədiyindən iclasın başa çatdığı elan edilib. Növbəri iclas dekabrın 2-nə təyin olunub.
Xatırladaq ki, Bayram Məmmədov və Qiyas İbrahimov mayın 10-da H.Əliyevin abidəsinin üzərinə “Qul bayramınız mübarək!” və “Rədd olsun sistem!” yazdıqlarına görə həbs olunublar. Gənclər külli miqdarda qanunsuz narkotik maddənin dövriyyəsində ittiham olunub. -36C06-
-
- Söz istəyirəm
- 24 Noyabr 2016 16:27
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz