Avropa Parlamenti Türkiyənin Aİ-yə daxil olması baradə danışıqların dayandırılmasına çağırıb
Cümə axşamı Avropa parlamenti Türkiyənin Aİ-yə daxil olmasının mümkünlüyü barədə danışıqların dayandırılmasına səs verib. Türkiyə ilə müqavilənin müvəqqəti dayandırılmasına 479 deputat səs verib, 37 nəfər əleyhinə olub, Frans-press məlumat verib. 107 deputat səsvermədə iştirak etməyib.
Aİ və Türkiyə arasında münasibətlər Türkiyədə baş vermiş 15 iyul çevrilişinə cəhddən sonra çətinləşib. Çevriliş cəhdi zamanı Türkiyə hakimiyyəti bir neçə min adamı həbs edib, dövlət qulluqçuları işdən çıxarılıb.
Ötən həftə Avropa diplomatiyasının rəhbəri Federika Mogerini Türkiyədə insan haqlarının pozulmasından ciddi narahatlığını bildirib. Bundan öncə avropalı digər siyasətçilər və məmurlar da bu cür bəyanatlar veriblər.
Əsasən Aİ Türkiyədə ölüm hökmünün bərpası barədə müzakirələrdən narahatdır. Almaniya xəbərdarlıq edib ki, əgər Türkiyə hökuməti bu cəza tədbirini bərpa edərsə onun Aİ-də üzvlüyü dayandırılacaq. Türkiyə cavab verib ki, Aİ-nin bununla bağlı rəyi nəzərə alınmayacaq.
Aİ və BMT Türkiyədə jurnalistlərin təqib olunmasını pisləyib.
Bundan öncə Türkiyə prezidenti Rəcəb Tayyip Ərdoğan bildirib ki, Aİ-də bugünkü səsvermənin nəticələrinin onun üçün əhəmiyyəti yoxdur və Türkiyə Şanxay Əməkdaşlıq Təşkilatına saxil olmaq imkanlarını nəzərdən keçirir.-02D-
Dünyada
-
ABŞ Prezidenti Donald Tramp qlobal yardımları dondurdu, o cümlədən Konqres tərəfindən müstəqil media və informasiya azadlığının dəstəklənməsi üçün ayrılmış 268 milyon dollardan çox vəsaitin istifadəsini dayandırdı. Sərhədsiz Reportyorlar (RSF) bu qərarı pisləyərək, qeyri-hökumət təşkilatlarını, media qurumlarını və jurnalistləri qeyri-müəyyən vəziyyətə saldığını bildirib. RSF beynəlxalq donorları müstəqil medianın davamlılığını təmin etmək üçün məsuliyyət götürməyə çağırıb.
-
Qazaxıstanın Daxili İşlər Nazirliyi xarici turistlər üçün yeni təhlükəsizlik təşəbbüsü tətbiq edib. Sərhəd nəzarətindən keçən hər bir qonağa xüsusi QR-kodlu kart təqdim olunur ki, bu da onları çoxdilli onlayn platforma olan SafeTravel.kz saytına yönləndirir.
-
Çərşənbə axşamı ABŞ Prezidenti Donald Tramp, İsrail Baş naziri Binyamin Netanyahu ilə birgə Fələstinlilərin Qəzzadan zorakılıqdan azad bölgələrə köçürülməsini dəstəkləyən əhəmiyyətli bir bəyanat verdi. Bu açıqlama, onların ətraflı müzakirələrindən əvvəl Ağ Evin mətbuat toplantısında verildi.
-
Humanitar işçilər, diplomatlar və qanunvericilər son günlər ABŞ-ın Beynəlxalq İnkişaf Agentliyində (USAID) baş verən ciddi pozuntuların səbəbini anlamağa çalışırlar. Agentliyin veb saytı əlçatan deyil, bəzi əməkdaşlar iş sistemlərinə giriş imkanını itirib və 100-dən çox işçi inzibati məzuniyyətə göndərilib, Reuters-ə məlumat verən mənbələr bildirib.
Rəy yaz