Nardaranda baş verən hadisələrlə bağlı hakimiyyət hansısa profilaktik tədbirlər həyata keçirməlidir, amma bu, bütün kənd sakinlərinin incidilməsinə səbəb ola bilməz. Bu barədə Turan-a hüquq müdaifəçisi Novell Cəfəroğlu bildirib.
O qeyd edib ki, sakinlər uzun müddət elektrik və qaz sərfinə görə ödəniş etməyibsə, bunu səbəbini hakimiyyət ilk növbədə özündə axtarmalıdır. “Hakimiyyət düşünməlidir ki, nə baş verib ki, əhali bu ödənişləri edə bilməyib?” - deyə mövqeyini ifadə edib. O, baş verən hadisə ilə bağlı bütün kənd əhalisinin əziyyətə salınmasını məqbul saymayıb. “Kənd əhalisinə işıq da, qaz da sözsüz verilməlidir”, - deyə N.Cəfəroğlu bildirib.
Helsinki Assambleyası Azərbaycan Milli Komitəsinin sədri, hüquq müdafiəçisi Arzu Abdullayeva bütün kəndə işıq-qaz verilməməsini sakinlərin cəzalandırılması adlandırıb. A.Abdullayevaya görə, kimin günahı varsa, fərdi qaydada məsuliyyətə cəlb edilə bilər. “Kollektiv məsuliyyət olmadığı üçün nə prokurorluq Nardarana sanksiya tətbiq edə bilər, nə də məhkəmə kəndə qarşı cəza çıxara bilər”, - deyə hüquq müdafiəçisi kəndə eneri verilməməsinə etiraz ifadə edib. A.Abdullayeva Nardaran hadisəsini hüquq-mühafizə orqanlarının Yaxın Şərqdəki radikal islamçılıq önündə doğan qorxusu kimi dəyərləndirib. “Bundan irəli gələrək, günahı olanı da, olmayanı da təqib edirlər, insan faktoru, təqsirsizlik prezumpsiyası işləmir, nəticə də ki, göz önündə, hər iki tərəfdən ölənlər var və Allah hamısına rəhmət eləsin”, - deyə A.Abdullayeva fikrini davam etdirib. O, vətəndaş cəmiyyəti institutlarının güclü vaxtında bu qurumların hakimiyyətə təsir etmək gücü olduğunu deyib, hazırda isə bu sektorun özünün sıradan çıxarıldığı nəzrə çatdırılıb.
Nardaran əhalisinin durumuna gəlincə, A.Abdullayeva əhalinin enerjilə təmin edilməli olduğunu xüsusi vurğulayıb. Hüquq müdafiəçisi dövləti vətəndaşı döyməkdənsə, yaşayış, mədəniyyət, təhsil səviyyəsini qaldırmağa səy göstərməyə çağırıb. A.Abdullayeva son olaraq bu işdə vətəndaş cəmiyyəti institutlarının dövlətə yardımçı ola biləcəyini nəzərə çatdırıb. -05B-
Cəmiyyət
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
-
İmişlidə 2 uşağın ölümü ilə nəticələnən yol qəzasına səbəb olmaqda təqsirləndirilən 17 yaşlı oğlan həbs edilib.
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
Rəy yaz