![Mirvari Qəhrəmanlı. Açiq mənbələrdən foto.](https://turan.az/resized/media/2020/main/070100028317-750-500-resize.webp)
Mirvari Qəhrəmanlı. Açiq mənbələrdən foto.
Hüquq müdafiəçisi Bahar EnergyLtd.-də işçilərin hüquqlarının pozulması barədə
Bakı/01.07.20/Turan: Bahar EnergyLtd. əməliyyat şirkətində neftçilərin hüquqları pozulur. Bu barədə Turan-a Neftçilərin Hüquqlarını Müdafiə Komitəsinin rəhbəri Mirvari Qəhrəmanlı bildirib.
O qeyd edib ki, şirkətin prezidenti Con Harkinsin göstərişilə şirkətin prezidentinin səlahiyyətlərini icra edən Deyl Makfadden Azərbaycanın əmək qanunvericiliyinin pozulması və işdən çıxarılma hədəsi ilə işçiləri əməkhaqqının 20% azaldılması ilə yeni əmək müqavilələri bağlamağa məcbur edir. Bu, maaşı yüksək olanlara (4000 – 40000 manat) aid deyil, maaşı az olanlara aiddir.
Bundan əlavə, şirkət rəhbərliyi qanunvericiliyi pozaraq artıq iki aydır ki, əməkhaqqı ödəmir.
M.Qəhrəmanlı xatırladıb ki, prezident İlham Əliyev pandemiya şəraitində işçilərin ixtisar olunmamasını təkidlə tövsiyə edib.
“Lakin işəgötürənlər işçiləri ixtisara salmır, müqavilələrə vaxtından əvvəl xitam verir, öz xahişi ilə işdən çıxma haqqında ərizə yazmağa məcbur edir. Belə olan halda, işsiz qalanlar işsizlik sığortası ala bilmirlər”, - M.Qəhrəmanlı bildirib.
BaharEnergyLtd.-dən şərh almaq mümkün olmayıb.
Bahar EnergyLtd. Greenfields Petroleum şirkətinin törəmə şirkəti kimi “Bahar” və “Qum-dəniz” yataqlarında əməliyyatlar həyata keçirir. Həmin yataqlarda 80% paya sahibdir. Qalan 20% SOCAR-a məxsusdur.
Yataqlardan ümumi hasilat 4 400 barrel / gün təşkil edir. Yataqların qalıq ehtiyatları təxminən 150 mln. bareli ötür.–06D--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz