Mirvari Qəhrəmanlı
Hüquq müdafiəçisi: �Neftçini kislota öldürüb�
Bakı/15.07.19/Turan: "Günəşli" yatağında neftçinin ölməsi SOCAR-ın bildirdiyi səbəbdən baş verməyib. Əslində neftçi Seymur Vəlixanovun üstünə kislota tökülüb. Bunu "Azadlıq" radiosuna Neftçilərin Hüquqlarının Müdafiəsi İctimai Birliyinin rəhbəri Mirvari Qəhrəmanlı deyib.
İyulun 16-da Azərbaycan Dövlət Neft Şirkəti (SOCAR) "Günəşli" yatağında nerftçinin ölməsi barədə məlumat yayıb. Məlumatda bildirilir ki, iyulun 15-də saat 18:50-də "Günəşli" yatağındakı 14 saylı dərin dəniz özülündə Elmi-tədqiqat işləri istehsalat sahəsinin operatoru, 39-yaşlı Seymur Vəlixanov hamamda ölmüş vəziyyətdə aşkar edilib.
"İlkin rəyə əsasən ölümə baş nahiyəsinin xəsarəti və beyinə qan sızması səbəb olub. Hadisənin başvermə səbəbləri "Azneft" İstehsalat Birliyinin baş direktorunun əmri ilə yaradılmış komissiya tərəfindən yerində araşdırılır",-SOCAR bildirib.
M. Qəhrəmanı isə bildirir ki, iyulun 15-də səhər S.Verdiyev kislota ilə dolu 15 litrlik plastik qabı qaldıranda onu yerə salıb. Kislota S.Verdiyevin üzərinə tökülüb, hətta boğazına keçib və o bir saat sonra ölüb. Həmkarların kömək cəhdləri boşa çıxıb.
M.Qəhrəmanlı əlavə edib ki, SOCAR S.Verdiyevin vanna otağında ölməsi barədə məlumat yayıb ki, məthumun ailəsinə kompensasiya verməsin.
"Əslində hər şey mənim dediyim kimi olub. Bu barədə mənə hadisə şahidləri məlumat veriblər. Patoloji-anatomik ekspertiza keçirilib, amma nəticələr bəlli deyil", - M.Qəhrəmanlı deyib.
Məsələ ilə bağlı SOCAR-dan və mərhumun yaxınlarından açıqlama almaq mümkün olmayıb.
"Günəşli" Xəzər dənizində, Bakının 120 km. şərqində "Azəri-Çıraq-Günəşli" aparıcı neft yatağının bir hissəsidir. Bu yataq ötən əsrin 60-cı illərində aşkar edilib.
4 il öncə "Günəşli" neft yatağında faciə baş verib. Yanğın zamanı platformada 30 neftçi həlak olub. -0-
Cəmiyyət
-
Bakcell Fəvvarələr Meydanında yeni brend kimliyinə uyğun innovativ mağazasını təqdim etdi. Mayın 3-dən etibarən faəliyyətə başlayan mağazanın açılışında Bakcell-in süni intellekt dəstəkli insanabənzər robotu Ardi iştirak edib.
-
Mayın 4-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə bəzi yerlərdə qısamüddətli yağış yağacağı ehtimalı var. Mülayim şimal küləyi əsəcək.
-
Azercell-in ev sahibliyi etdiyi “M360 Eurasia 2024” konfransına qeydiyyat davam edir “GSMA M360 Eurasia 2024” konfransı bu il Bakıda çoxsaylı beynəlxalq və regional məruzəçilərin iştirakı ilə baş tutacaq. Tədbir Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi və “Azercell Telekom” MMC-nin baş sponsorluğu ilə 15-16 may tarixlərində keçiriləcək.
-
Əməliyyat tədbirləri zamanı Daxili İşlər Nazirliyi Baş Narkotiklərlə Mübarizə İdarəsinin əməkdaşları Neftçala rayon sakini Sadiq Ələkbərovu saxlayıblar.
Rəy yaz