“Insan Hüquqları Klubu” cümə günü RATİ-də ömürlük məhbusların durumu ilə bağlı mətbuat konfransı keçirib.
Ölkədə 300-ə yaxın ömürlük məhbus olduğunu deyən Klubun rəhbəri Rəsul Cəfərov bunlardan 15-ə yaxının siyasi məhbus kimi tanındığını söyləyib. Bu 15 nəfər 1998-ci ilə qədər həbs edilənlərdir və Avropa Şurası rəsmi Bakıya bu şəxslərə münasibətdə ədalətli məhkəmə keçirmək təklifi verib. Bu şəxslərin işlərinin araşdırılması təklifi səsləndirilib. Ümumiyyətlə isə, ömürlük məhbusların problemlərinin müzakirəsi üçün vətəndaş cəmiyyətilə iqtiadr arasında ciddi dialoqa ehtiyac olduğu nəzərə çatdırılıb.
Daha bir problem kimi vahid siyasi məhbus siyahısının olmaması göstərilib. Belə ki, Azərbaycanda bir neçə hüquq müdafiə təşkilatının bir-birindən fərqli siyasi məhbus siyahısı olduğu deyilib. Bu ilin oktyabrında Azərbaycanda siyasi məhbus siyasının səsvermə ilə qəbul ediləcəyi xatırladılıb. Buna qədər maraqlı tərəflərin toplanaraq bu siyahını hazırlaması çağırışı edilib. Əks halda, AŞPA-ının bu ilin oktyabr sessiyasında Şura mqəbul bildiyi siyahını vahid siyasi məhbus siyahısı kimi qəbul edəcəyi vurğulanıb.
Ömürlük məhbusların problemlərilə bağlı iqtidara da çağırış edilib. Belə ki, rəsmi Bakıya bu insanların taleyinə, müraciətlərinə laqeydliyə son qoyulması istənilib.
Çox zaman olur ki, ömürlük mıəhbusların şikayət məzmunlu müraciətləri yenidən Penitensiar xidmətə, oradan həbsxana rəhbərliyinə göndərilir. Şikayət etdiklərinə görə məhbuslar işgəncələrə məruz qalrılar.
R.Cəfərov qeyd edib ki, bu ilin oktyabrında ömürlük məhbusların problemlərinin müzakirəsi üçün iqtidar, vətəndaş cəmiyyəti və media qurumları təmsilçilərinin iştirakı geniş toplantı keçirməyi nəzərdə tuturlar.
Azərbaycanda ölüm hökmü 1998-ci ildə ləğv edilib, ömürlük həbs cəzası müddəası əksini tapıb. Bu zaman ölüm hökmü cıxarılmış şəxslərin cəzası ömürlük həbslə əvəz edilib. 2000-ci ildən Azərbaycanda ömürlük həbs cəzasını nəzərdə tutan yeni cianyət məcələsi qüvvəyə minib. Ömürlük həbs cəzası alanlar cəzanın müddətli cəza ilə əvəz olunması haqda məsələ qladırsalar da bu sahədə müsbət irəliləyiş olmayıb.-05C-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz