Гусейн Абдуллаев
Hüseyn Abdullayevin həbs müddəti uzadılıb
Bakı/25.02.19/Turan: Fevralın 25-də Nəsimi Rayon Məhkəməsi parlamentin keçmiş deputatı Hüseyn Abdullayevin həbs müddətinin daha üç ay uzadılması ilə bağlı istintaqın təqdimatını təmin edib. Bu barədə məhkəmədən bildiriblər.
Müdafiə tərəfi ittihamı və iş üzrə istintaqın gedişini şərh etmir.
Keçmiş hökumətyönlü deputat Hüseyn Avbdullayev hakimiyyətlə münaqişədən sonra 2013-cü ildə Azərbaycandan gedib. Bundan sonra ona qarşı vergi ittihamı üzrə cinayət işi açılıb.
2018-ci il aprelin 22-də Almaniyadan Türkiyəyə gələrkən saxlanılıb və Türkiyədən Azərbaycana ekstradisiya edilib.
H.Abdullayev CM-in 192.2.2 (qanunsuz sahibkarlıq), 178.2.1 (dələduzluq), 178.2.2, 178.2.4, 182.2.1 (bir qrup şəxs ilə qabaqcadan əlbir olub hədə-qorxu ilə tələb etmə), 182.2.2 (həmin hərəkətlər təkrar törədildikdə) və 182.2.4 (həmin hərəkətlər zərərçəkənə külli miqdarda ziyan vurmaqla təkrar törədildikdə) maddələri ilə ittiham olunub.
Fevralın 1-də müttəhimin anası Zeynəb Abdullayeva prezident İlham Əliyevə müraciət edərək oğlu ilə bağlı humanizm və mərhəmət göstərməyi xahiş edib. O, özünün yaşlı olmasını, oğlunun səhhətində ciddi problemlərin olmasını nəzərə almağı xahiş edib.-16D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz