![İcra başçıları məhkəməyə dəvət edilir](https://turan.az/resized/750/500/resize/media/2012/main/101900015464.jpg)
İcra başçıları məhkəməyə dəvət edilir
Dünən Şirvan şəhər Apellyasiya Məhkəməsində hakimlər Rəfael Eyvazov və İlham Əmirəliyevin sədrliyi ilə 2010-cu ilin Kürətrafı daşqınları zamanı ziyan çəkən 21 şəxsin iddiası üzrə 4 məhkəmə prosesi keçirilib.
İddialar FHN-ə qarşı zərər çəkənlərə maddi yardım verilməsi barədə hökumət sərəncamının icra edilməməsi ilə bağlııdır. İddiaçılar İmişli, Sabirabad, Saatlı, Salyan və Kürdəmir sakinləridir.
FHN təmsilçisi Vüqar Hacıyev məhkəmədə bildirib ki, zərər çəkənlərin problemlərini icra başçıları həll etməlidir. Eyni zamanda o deyib ki, FHN “vəziyyəti öyrənməkdə davam edir”.
Vəkil fariz Namazlının və “Kür” Vətəndaş Cəmiyyəti Qərargahının əlaqələndiricisi Oqtay Güləliyevin vəsatəti ilə hakimlər bu rayonların icra başçılarını növbəti məhkəmə iclasına dəvət etmək barədə qərar qəbul ediblər.
Müdafiə həmçinin xahiş edib ki, FHN-in təmirə ehtiyacı olmadığını bildirdiyi evlər ekspertizadan keçirilsin. Məhkəmə bu məsələyə 5 və 14 noyabrda baxmağı qərara alıb.
FHN-ə qarşı cəmi 130 iddia verilib. Bunun 28-i məhkəmələr tərəfindən təmin edilib.
2010-cu ilin daşqınından 8 rayon ziyan çəkib. 100 min ha torpaq, 20 min ev su altında qalıb. Dövlət ziyanın aradan qaldırılması üçün 500 mln manat ayırıb. Amma “Kür” Vətəndaş Cəmiyyəti Qərargahı çoxlu korrupsiya və dövlət vəsaitlərinin talanması faktlarını aşkarlayıb. Daşqının nəticələrinin aradan qaldırılması üçün FHN məsuldur. Bu qurum isə pul kompensasiyalarının verilməsi, tikilən evlər və iş smetası barədə məlumatları təqdim etməkdən imtina edir. —0—
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz